U rajcentry Kruhłaje, što na Mahiloŭščynie, dźvie škoły musili prypynić zaniatki. U milicyju patelefanavała nieviadomaja t paviedamiła, što jany zaminiravanyja.
Va ŭpravie ŭnutranych spraŭ mahiloŭskaha abłvykankama paviedamili, što telefanavańnie zarehistravanaje ŭ 12.40.
«Telefanavała žančyna, jakaja skazała, što zaminiravanyja dźvie škoły ŭ Kruhłym.
Ustanoŭlena, što telefanavała žančyna 1962 hoda, invalid druhoj hrupy pa psichičnym zachvorvańni. Dalej joju budzie zajmacca sudovaja ekśpiertyza. Byli praviedzienyja nieabchodnyja mierapryjemstvy supracoŭnikami Ministerstva nadzvyčajnych sttuacyj i milicyjaj. Sa škoły №2 byli evakujavanyja 730 vučniaŭ i piersanału. Pa pieršaj škole pakul niama źviestak».
13 studzienia ŭ Mahilovie taksama evakuavali naviedvalnikaŭ kaviarni «Stary Mahiloŭ». U 2 hadziny nočy patelefanavaŭ nieviadomy i paviedamiŭ, što kaviarnia zaminiravanaja. Prybyli sapiory j milicyja, ale vybuchoŭki nie znajšli. Milicyja vyznačyła, što telefanavaŭ 29-hadovy mužčyna, jakoha paźniej dastavili ŭ psychijatryčnuju lakarniu.
