Jaŭhien Nikolski razam z žonkaj i dačkoju. Fota: staronka Nikolskaha va Ukantakcie
Jak paviedamlaje telehram-kanał «Baza», u skviery kala škoły ŭ siale Jemialjanava Staryckaha rajona Ćviarskoj vobłaści znajšli cieła 36-hadovaj žycharki Ćviary Kaciaryny Nikolskaj. Zabojcu šukać nie daviałosia. Muž žančyny — Jaŭhien Nikolski — sam paviedamiŭ ab ździejśnienym na svajoj staroncy ŭ «VKontakcie». Miarkujučy pa zapisie, pryčynaj trahiedyi stała reŭnaść.
«Tak, ja heta zrabiŭ. Nie źbirajusia admaŭlacca i paniasu nieabchodnaje pakarańnie», — napisaŭ mužčyna, dadaŭšy, što prymie svaju dolu «z hanarliva padniataj hałavoj».
Jon paličyŭ svoj učynak pravilnym rašeńniem, a pavodziny žonki — zdradaj. Mužčyna abraziŭ niabožčycu, nazvaŭšy jaje «chłuślivym stvareńniem» i dadaŭšy: «niachaj taki los napatkaje ŭsich joj padobnych».
Jon taksama paprasiŭ znajomych pakłapacicca pra jaho dzicia: «Źviartajusia da ŭsich z adzinaj prośbaj — źbieražycie dačku… Jana — moj apošni stymuł žyć».
Paviedamleńnie Jaŭhiena Nikolskaha na jaho staroncy ŭ «VKontakcie»
Jak paviedamlaje telehram-kanał Mash, niezadoŭha da trahiedyi baćki zabrali Kaciarynu da siabie ŭ Jemialjanava paśla taho, jak muž jaje žorstka źbiŭ. Praz tydzień mužčyna pryjechaŭ vyśvietlić adnosiny. Kaciaryna prahulvałasia z 11-miesiačnaj dačkoju ŭ skviery. Jaŭhien napaŭ na jaje z nažom i pierabiŭ arteryju.
U momant trahiedyi pobač znachodziŭsia brat Kaciaryny, jaki sprabavaŭ akazać dapamohu, ale Nikolski pieraškadžaŭ jamu. U vyniku brat stuknuŭ Jaŭhiena niekalki razoŭ pa hałavie damkratam. Złačyncu daviałosia špitalizavać u abłasnuju balnicu. Jon znachodzicca ŭ reanimacyi.
Kaciaryna Nikolkaja niejki čas pracavała ŭ amierykanskaj IT-kampanii i była śpiecyjalistam pa kiravańni piersanałam u halinie prahramnaha zabieśpiačeńnia. Kali naradziłasia dzicia, jana źmianiła śfieru dziejnaści — stała pravodzić ź dziećmi zaniatki tancami. Nikolski padtrymlivaŭ žonku, pryjazdžaŭ na jaje vystupleńni. Ale doma jany skandalili, a ŭ apošni čas jon usio bolš staŭ jaje raŭnavać. U šlubie jany pražyli bolš za 13 hadoŭ.
Sam Nikolski viadomy jak histaryčny rekanstruktar. Jon zachaplaŭsia historyjaj Siaredniaviečča, udzielničaŭ u histaryčnych prahramach, adznačaŭ tradycyjnyja śviaty.
Jaŭhien Nikolski na apošnich vybarach byŭ kandydatam u deputaty ŭ Ćviarskuju dumu ad partyi «Spraviadlivaja Rasija».
Čytajcie taksama:
Va Ukrainie šukajuć baćku i syna, jakija rasstralali palicejskaha
Padazravany ŭ zabojstvie Lizy Hiercen pryznaŭ vinu
U Oršy baćka ledź nie zadušyŭ dačku, jakaja paprasiła jaho vyklučyć huk na telefonie
