Ivonka Surviła i Śviatłana Cichanoŭskaja. Fota: OSC
Padčas vizitu ŭ Kanadu Śviatłana Cichanoŭskaja sustrełasia ź Ivonkaj Surviłaj — znakavaj fihuraj dla biełaruskaj palityki. Spadarynia Ivonka — nie tolki staršynia Rady BNR, paviedamlaje pres-słužba Śviatłany Cichanoŭskaj.
Dziakujučy pracy fonda, jaki jana ačolvała, na avaryju na Čarnobylskaj AES źviarnuła ŭvahu suśvietnaja supolnaść, paśla čaho na likvidacyju nastupstvaŭ katastrofy byli skiravanyja vialikija srodki.
Mienavita spadarynia Ivonka zajmałasia arhanizacyjaj lačeńnia i reabilitacyi biełaruskich dziaciej za miažoj.
Padčas ciopłaj sustrečy abmiarkoŭvałasia situacyja ŭ Biełarusi, a taksama — aktualnyja pytańni biełaruskaj dyjaspary. Akramia hetaha,išła razmova pra sumiesnuju pracu Rady BNR i Abjadnanaha pierachodnaha kabinieta.
Fota: OSC
«Ja ŭdziačnaja spadaryni Ivoncy za pracu, jakaja zaŭsiody była nakiravana na abaronu intaresaŭ biełarusaŭ, achovu našaj identyčnaści. Mienavita tamu ja ŭznaharodziła spadaryniu Ivonku Kryžam Adradžeńnia Biełarusi — pieršaj takoj uznaharodaj, raspracavanaj Hieraldyčnaj radaj», — adznačyła Cichanoŭskaja.
Čytajcie taksama:
Jak vyhladajuć uznaharody dla novaj Biełarusi FOTA
«Majo serca — z narodam Izraila». Cichanoŭskaja asudziła načnuju ataku Irana
Cichanoŭskaja sustrełasia z prezidentam Kipra
Cichanoŭskaja: Režym Łukašenki — kresła na troch nožkach: hrošy, represii i Rasija
