Fota: Getty Images
Harčyca — naturalny myjny srodak
Parašok harčycy — naturalny myjny srodak. Jon z pośpiecham spravicca z tłuščam na posudzie navat u chałodnaj vadzie. Myć možna jak suchim paraškom, tak i papiarednie pryhatavanaj harčyčnaj pastaj. Taki rastvor nanosicca na brudny posud i pakidajecca na 5 chvilin. Paśla zmyvajecca vadoju.
Daśviedčanyja haspadyni raniej vykarystoŭvali harčycu jak srodak dla vyviadzieńnia plamaŭ tłušču z adzieńnia i rečaŭ z šoŭku i voŭny. Dla hetaha nieabchodna raźvieści 200 hramaŭ suchoj harčycy ŭ 10 litrach vady, dać nastajacca na praciahu troch hadzin. Paśla hetaha rastvor akuratna źlić, kab nie zastałosia asadku, i ŭ im pamyć rečy.
Harčyca jak maska dla vałasoŭ
Mała chto viedaje, što z paraška harčycy možna pryhatavać masku dla vałasoŭ. Dla hetaha treba ŭziać dźvie-try łyžki parašku, dadać u jaho trochi vady kab atrymałasia kaška. Jaje ŭcirajuć u karani vałasoŭ i pakidajuć na niekatory čas. Ličycca, što takaja maska nie tolki ŭmacuje vałasy i nadaść im zdarovy blask, ale i paskoryć ich rost.
Harčyca jak niejtralizatar niepryjemnych pachaŭ
Harčyčny parašok źjaŭlajecca dobrym pamočnikam u zmahańni ź niepryjemnymi pachami. Im možna pracierci palički ŭ chaładzilniku. Nievialičkija marlevyja miašečki z paraškom, źmieščanyja ŭ skryni ci paviešanyja ŭ šafie, pazbaviać hetyja miescy pachaŭ zatchłaści.
Kali ž vas zasmučaje niepryjemny pach z płastykavaha kantejniera, to možna nasypać u jaho parašku harčycy i zalić na paŭhadziny haračaj vadoju. Paśla zastaniecca tolki dobra prapałaskać.
Harčyca jak srodak suprać škodnikaŭ
Nastoj z parašku harčycy dapamahaje ŭ baraćbie z škodnikami. Dla jaho pryhatavańnia 50 hramaŭ parašku dadajuć u 5 litraŭ vady i nastojvajuć 10-12 hadzin. Zatym atrymanym nastojem apyrskvajuć raśliny. Jon pazbavić ich ad vusieniaŭ, tli, hołych smaŭžoŭ, pavucinnaha klašča, kapusnaj bialanki.
Čytajcie taksama:
Jak ułasnaručna zrabić majanez dy inšyja zapraŭki dla sałaty
Dadajcie hetuju śpiecyju ŭ kavu — i vy zaŭsiody budziecie tak rabić
Darahija srodki dla čystki zamienić vocat
Jak vydalić nalot ad harbaty i kavy? Vielmi prosta — pasprabujcie hetyja sposaby
dla tryvałych zabrudžvańniaŭ (na rondali, u duchoŭcy i t.p.) možna zrabić pastu - parašok harčycy+soda+haspadarčaje myła. nanieści na niejki čas, potym myć