Ministerstva vystaviła adrazu niekalki pretenzij da arhanizacyi — datyčna siabroŭskaha paśviedčańnia, statusu Centra pravavoj abarony ŚMI i naohuł metaŭ i zadač BAŽ.
Zahad padpisaŭ 13 studzienia namieśnik ministra Alaksandr Simanaŭ. Kopija zahadu nakiravanaja Ministerstvu infarmacyi.
Pa‑pieršaje, Miniust ličyć, što na paśviedčańni HA «BAŽ» nibyta niepravamierna źmieščany nadpisy «Presa» i «Press», u toj čas jak BAŽ nie źjaŭlajecca srodkam masavaj infarmacyi.
Miniust spasyłajecca na incydent z zatrymańniem na škłozavodzie «Nioman» žurnalista A. Dzianisava, jaki ŭ listapadzie 2009 h. «ažyćciaŭlaŭ videarepartaž» na terytoryi zavoda, pry hetym «pradstaviŭsia jak žurnalist i pradjaviŭ paśviedčańnie HA «BAŽ».
«Takija ž paśviedčańni vydadzieny i inšym členam HA «BAŽ««, — padkreślivaje Miniust. Ministerstva ŭpeŭnienaje, što takim čynam arhanizacyja parušyła zakon «Ab ŚMI», a hetyja dziejańni pryviali da «nieabhruntavanaha prysvajeńnia členami dadzienaj arhanizacyi paŭnamoctvaŭ žurnalista srodku masavaj infarmacyi…»
Akramia taho, Miniust ličyć, što dziejnaść Centra pravavoj abarony ŚMI pry HA «BAŽ» «nie praduhledžana statutam» arhanizacyi. «Bolš za toje, zadačy dadzienaha farmiravańnia, vykładzienyja ŭ pałažeńni ab im, vychodziać za miežy statutnych zadač HA «BAŽ««, — ličyć Miniust.
«Aprača pieraličanaha, na sajcie źmieščana infarmacyja ab metach dziejnaści HA «BAŽ«, jakija nie adpaviadajuć statutnym», — zakančvaje pieralik svaich pretenzij Miniust.
Ministerstva abaviazvaje kiraŭnictva BAŽ na praciahu miesiaca zabrać usie vydadzienyja raniej paśviedčańni zhadanaha ŭzoru i «zabiaśpiečyć… dalejšuju niemahčymaść karystańnia imi»; likvidavać astatnija «parušeńni» i «vypracavać miery, nakiravanyja na niedapuščeńnie ŭ dalejšym parušeńniaŭ patrabavańniaŭ zakanadaŭstva i statuta arhanizacyi», a taksama «pradastavić Ministerstvu justycyi dokazy vykanańnia pieraličanych vyšej patrabavańniaŭ».
Papiaredžańnie moža być abskardžana na praciahu miesiaca ŭ Viarchoŭny Sud RB.
Kiraŭniki BAŽ zajaŭlajuć, što abaviazkova buduć abskardžvać papiaredžańnie, jakoje ličać nieabhruntavanym.
