Biełarusam było prapanavana vykazać svajo staŭleńnie da śćviardžeńniaŭ, jakija tyčacca źniešniepalityčnych aryjenciraŭ krainy.
Try čałavieki z čatyroch (77%) pahadzilisia z tym, što Biełaruś pavinna być niezaležnaj. Jašče 18% nie majuć uciamnaha adkazu. I tolki 5% nie zhodnyja z tezisam pra niezaležnaść dziaržavy.
Za niejtralitet, a taksama za siabroŭstva jak z Rasijaj, tak i z Ukrainaj vykazalisia pa 58%.
Členstva krainy ŭ Jeŭrapiejskim Sajuzie padtrymaŭ kožny čaćviorty (25%). Takaja ž kolkaść prychilnikaŭ ahulnaj z Rasijaj sajuznaj dziaržavy.
Krynica: Chatham House
U daśledavańni adznačajecca, što atrymanyja vyniki nie vielmi adroźnivajucca ad vynikaŭ apytańnia, praviedzienaha ŭ 2009 hodzie.
Niahledziačy na ŭzmacnieńnie suviaziej z Rasijaj za 15 hadoŭ u Biełarusi stała navat bolš prychilnikaŭ niezaležnaści.
Praŭda, źmienšyłasia i kolkaść tych, chto vykazvajecca suprać sajuznaj dziaržavy z Rasijaj.
Čytajcie jašče:
Kaho padtrymlivajuć biełarusy ŭ paleścina-izrailskim kanflikcie? — vyniki apytańnia
Novaje apytańnie pakazała, kolki biełarusaŭ padtrymlivaje vajnu i raźmiaščeńnie jadziernaj zbroi
Što Biełarusi vyhadniej ekanamična — imknucca ŭ ES abo zastavacca ŭ sajuzie z Rasijaj?
