Žančynu asudzili da dvuch z pałovaj hadoŭ abmiežavańnia voli biez nakiravańnia ŭ PUAT («chatniaj chimii»). Taksama joj pryznačyli štraf u pamiery 4000 rubloŭ (100 bazavych vieličyniaŭ).
Admietna, što pasiadžeńnie adbyvałasia nie ŭ budynku suda, a ŭ Baranavickim mašynabudaŭničym kaledžy. Spravu razhladzieła sudździa Safija Chvalko.
Taćcianu Makaravu pryznali vinavataj u tym, što jana raspaŭsiudziła ŭ fejsbuku infarmacyju pra piersanalnyja danyja opierupaŭnavažanaha kryminalnaha vyšuku AUS Mahiloŭskaha rajvykankama. Žančyna svaju vinu pryznała.
Jak miarkujecca, da suda žančynu trymali ŭ Baranavickim SIZA №6: sama jana žyvie ŭ Lachavickim ci Łuninieckim rajonie, ale ŭ śniežni 2023 hoda jaje dvojčy sudzili ŭ Baranavickim sudzie pavodle art. 19.11 KaAP (pryčym druhi raz sudzili pa skajpie). Heta vynikaje z pastanoŭ Baranavickaha suda ŭ dačynieńni da Makaravaj. Pa tych administracyjnych spravach žančynie davali 10 sutak aryštu, štraf na 20 bazavych (740 rubloŭ) i kanfiskavali telefon.
Čytajcie taksama:
Irynie Sapryhinaj z Mazyra prysudzili abmiežavańnie voli i vyzvalili ŭ zale suda
U Ašmianach maci vaśmiarych dziaciej aštrafavali na 1000 rubloŭ za padpisku na «ekstremisckija ŚMI»
Siłaviki zatrymali nastaŭnika, jaki «prymušaŭ školnika źniać vajskovuju formu»
