Niamieckaja piśmieńnica, łaŭreatka Nobieleŭskaj premii pa litaratury za 2009 hod Hierta Miuler zapatrabavała ad uładaŭ FRH pravieści rasśledavańnie ŭ adnosinach da jaje kalehi-danosčyka, jaki špijoniŭ za joj jašče ŭ časy, kali Miuler žyła ŭ kamunistyčnaj Rumynii.
Jak raniej paviedamlali niamieckija ŚMI, havorka idzie pra žurnalista i paeta Franca Tomasa Šlajchie, jaki ciapier pražyvaje ŭ Hiermanii.
Pavodle žurnalistaŭ telekanała ARD, Miuler patrapiła ŭ pole zroku rumynskaj słužby dziaržbiaśpieki Securitate paśla taho, jak Šlajch danios na jaje. Jon paviedamiŭ orhanam, što ŭ pieršaj knizie piśmieńnicy «Niziny» zaŭvažnyja «antydziaržaŭnyja nastroi».
Sam Šlajch, jaki emihravaŭ u Zachodniuju Hiermaniju ŭ pačatku 1980-ch, kab, pa jaho słovach, vyratavacca ad pieraśledu režymam Čaušesku, admoviŭsia adkazvać na abvinavačvańni ŭ špijanažy i danosie.
0
0
0
0
0
0