11 studzienia sudździa Navahradskaha rajonnaha sudu Valery Cynkievič vynies vyrak pa kryminalnaj spravie aktyvista Biełaruskaj chryścijanskaj demakratyi Jurasia Kazaka, jaki abliŭ farbaj biust Lenina. Sud pakaraŭ chłopca 250 bazavymi vieličyniami štrafu (8 750 000 rubloŭ), paviedamiŭ «NN» sustaršynia BCHD Alaksiej Šein.
Takim čynam, sudździa całkam zadavoliŭ patrabavańnie dziaržaŭnaha abvinavaŭcy. Indyvidualny pradprymalnik Juraś Kazak musić spłacić hety štraf ciaham miesiacu, inakš moža apynucca ŭ turmie.
Nahadajem, što 7 listapada Juraś Kazak abliŭ zialonaj farbaj pomnik Uładzimiru Leninu na centralnaj płoščy Navahradka. Chłopiec pryznaŭsia, što sapraŭdy heta zrabiŭ. Adnak, jak zaznačyŭ jon na sudzie, jahonaj metaj było nie źniščeńnie biustu, a pryciahnieńnie ŭvahi da prablemy kamunistyčnaj spadčyny ŭ Biełarusi.
Niadaŭna ŭ 25‑hadovaha Juryja naradziłasia dačka Rahnieda, žonku jašče navat nie vypisali z balnicy.
0
0
0
0
0
0
