Minski haradski falkłorny centr zapracuje ŭ Rakaŭskim pradmieści ŭ pačatku červienia 2024 hoda. U čym jaho asablivaść i što tam budzie pradstaŭlena, raskazali Minsk-navinam u Hałoŭnym upraŭleńni sportu i turyzmu Minharvykankama.
Tut płanujecca pravodzić na rehularnaj asnovie teatralna-hastranamičnyja nacyjanalnyja viečary, majstar-kłasy ad staličnych majstroŭ, jakija paznajomiać haściej i žycharoŭ horada ź biełaruskimi ramiostvami, tradycyjami i falkłoram.
— Ideja stvareńnia falkłornaha centra zaradziłasia daŭno, padčas vyjezdaŭ u Rasijskuju Fiederacyju. Jakaja kancepcyja? Na adnoj łakacyi pradstaviać svaje vyraby haradskija centry dziaciej i moładzi, a taksama ramieśniki. Jany buduć pravodzić majstar-kłasy pa sałomaplacieńni, hančarnym majsterstvie i inšych ramiostvach. Takim čynam, turyst zmoža na miescy zrabić reč svaimi rukami na pamiać pra našu krainu, — patłumačyła namieśnik načalnika Hałoŭnaha ŭpraŭleńnia — načalnik adździeła fizkulturna-azdaraŭlenčaj raboty i turyzmu Alesia Mostava.
Sioleta piłotny prajekt arhanizujecca z červienia pa vierasień pad adkrytym niebam.
Na dadzieny momant prapracoŭvajucca pytańni pa jaho napaŭnieńni, raspracoŭvajucca scenary mierapryjemstvaŭ.
Što tyčycca bližejšych padziej, to adbudziecca štohadovaja mižnarodnaja vystava-kirmaš turysckich pasłuh «Adpačynak-2024», jakaja projdzie z 18 pa 20 krasavika ŭ «Minsk-Arenie».
— Sioleta jaje kancepcyja krychu źmienicca: buduć pradstaŭleny na asobnych stendach rehijony Biełarusi. Zaprašaju ŭsich žycharoŭ stalicy, a taksama haściej pabyvać na adnoj z samych bujnych turystyčnych vystaŭ našaj krainy, — adznačyła Alesia Mostava.
Čytajcie taksama:
Vaładar vod i baćka Usiasłava Čaradzieja. Jakimi jašče byvajuć biełaruskija cmoki?
Adhadajcie, jakija biełaruskija pieśni narodnyja, a jakija aŭtarskija TEST
