Bondarava naradziłasia ŭ 1982-m hodzie ŭ vioscy Čarlonka. Kankretyki niama, bo vioski z takoj nazvaj jość i ŭ Dziatłaŭskim, i ŭ Mastoŭskim rajonach. Skončyła škołu ŭ Hrodnie ŭ 2000-m hodzie.
Vyhladaje, što za nastupnyja 17 hadoŭ u Bondaravaj nie było nijakaha lehalnaha miesca pracy. Try hady jana mahła pravieści ŭ dekretnym adpačynku, a voś astatni pieryjad u bijahrafii elehantna prapuščany.
Mahčyma, mienavita ŭ hety čas Bondaravu i pryciahvali da adkaznaści za kantrabandu cyharet u Polšču.
Miarkujučy pa bijahrafii, u druhoj pałovie 2010-ch kamunistka ŭpieršyniu znajšła lehalnuju pracu. U 2017-2018 jana pracavała ŭ Hrodnie ŭ śfiery handlu.
Paśla Bondarava vyrašyła atrymać choć jakuju adukacyju, tamu pajšła vučycca. Pra VNU havorka nie išła, Bondarava pastupiła ŭ Industryjalna-piedahahičny kaledž Respublikanskaha instytuta prafiesijnaj adukacyi pa śpiecyjalnaści «ekanamist». Skončyła jaho ŭ 2020-m. Pajšła pracavać? Nie.
Na nastupnyja dva hady čarhovy prahał u bijahrafii. U 2022 jana pastupiła ŭ Biełaruski dziaržaŭny piedahahičny ŭniviersitet imia Maksima Tanka, a ŭ 2023 uładkavałasia adkaznaj sakratarkaj u hazietu Kamunistyčnaj partyi Biełarusi. Pry hetym u aficyjnych dakumientach vybarčaj kamisii Bondarava paznačanaja tolki jak studentka.
Danosčyca bałatujecca va Uruččy, ale šancaŭ na pieramohu ŭ jaje niama. Pa toj akruzie zarehistravanyja i kandydat-favaryt, i jaho sparynh-partnior. Vyhladaje, što Bondaravaj vydzielać tolki apošniaje miesca ŭ vynikovym pratakole.
Čytajcie taksama:
«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie
BT stroha adkazała Bondaravaj: Hledačy prosiać pakazvać Biłana i Aści, a vam raim «Panaramu»
Biahun — Bondaravaj: Zabyłasia, jak vycokvała nabojkami z HUBAZiKa z vyhladam aba*ranaha janota?
Kodła Bondaravaj nakinułasia na słova «vakacyi». I znoŭ sieła ŭ łužynu
Infakazačku Volhu Bondaravu ŭznaharodzili miedalom. Ale jakim!
