Karcinka ź instahrama Pahrankamiteta
Što ŭ Minkultury, Minadukacyi i MZS?
Ministerstva kultury aktyŭna viadzie telehram. Bolšaść dopisaŭ u kanale — ruskamoŭnyja, ale čas ad času źjaŭlajucca pasty na biełaruskaj movie. Čaściej za ŭsio heta reposty z kanałaŭ «Kultura i Mastactva» i kanała «Kultura» Biełaruskaha radyjo. Časam praskokvajuć i ŭłasnyja dopisy na biełaruskaj movie.
Minadukacyi nie napružvaje siabie vykarystańniem biełaruskaj movy ŭ sacyjalnych sietkach.
U profili Ministerstva zamiežnych spraŭ biełaruskaja mova źjaŭlajecca pa śviatach. Naprykład, 31 śniežnia 2023 hoda ŭ vinšavańni z Novym hodam.
Niekalki dopisaŭ pa-biełarusku vychodzili 3 lipienia na Dzień niezaležnaści.
A ŭ siłavych viedamstvaŭ?
Miarkujučy pa sacyjalnych sietkach, jakija viaducca ad imia MUS, za dziaržaŭnuju movu jany pryznajuć tolki ruskuju. Całkam ruskamoŭnymi źjaŭlajucca ich profil u instahram, staronka va «Ukantakcie» i aficyjny telehram-kanał.
Toje samaje ŭ Hienieralnaj prakuratury. Viedamstva, jakoje zajmajecca temaj hienacydu biełaruskaha naroda, viadzie ŭsie sacsietki pa-rusku.
Akaŭnty Minabarony i Śledčaha kamiteta nie adroźnivajucca — usie jany pa-rusku.
Znajści biełaruskamoŭnyja dopisy ŭ aficyjnych akaŭntach Mytnaha kamiteta i MNS taksama zadača nie ź lohkich.
Na fonie inšych siłavych viedamstvaŭ vyłučajecca Dziaržaŭny pahraničny kamitet. Biełaruskaja mova ŭ instahram-akaŭncie pahraničnikaŭ asnoŭnaja.
Praŭda, na instahramie biełaruskaść zakančvajecca. Usie astatnija sacyjalnyja sietki viaducca na ruskaj movie.
Sport, zdaroŭje, ekanomika — ci jość biełaruskaja mova tam?
Telehram-kanał Ministerstva sportu i turyzmu viadziecca na ruskaj movie. Možna adšukać tolki niekalki dopisaŭ, napisanych pa-biełarusku. Praŭda, źjaŭlajucca jany ŭ vypadkach pieradruku ź biełaruskamoŭnych vydańniaŭ abo repostaŭ.
Padobnaja situacyja i ŭ aficyjnym telehram-kanale Ministerstva achovy zdaroŭja. Biełaruskaja mova ŭ im źjaŭlajecca tolki ŭ vypadku pieradrukaŭ materyjałaŭ, dzie biełaruskaja — mova aryhinału. U astatnim usio viadziecca pa-rusku.
Nie adšukać dopisaŭ na biełaruskaj movie i ŭ th-kanałach Miniekanomiki i Ministerstva antymanapolnaha rehulavańnia i hanlu.
Čytajcie taksama:
Jakija vodhuki pakidajuć karystalniki noŭtbukaŭ ad «Haryzonta»
U Rasii znoŭ zahavaryli pra adzinuju valutu ź Biełaruśsiu. Jość imaviernaść, što piarojduć na jaje?
