U biełaruskaj elektryčcy znajšli ničyjnaha sabaku. I što dalej? Spojler: rasijskamu katu Tviksu pašancavała mienš 9

Sabaka ŭ ciahniku rehijanalnych linij. Skryn storyz @ustpix / Instagram

Kadry z elektryčki, jakaja nakiroŭvałasia ŭ Viciebsk, raźmiaściŭ na svajoj staroncy ŭ instahramie karystalnik Arciom Uścinaŭ (@ustpix). Na im vidać, jak spačatku adna pravadnica znachodzić sabaku pad siadzieńniem i miła ź im kamunikuje. Na inšym videa «bieźbiletnika z Tałačyna» kormić buterbrodam druhaja pravadnica.

Pravadnica kormić sabaku ŭ ciahniku rehijanalnych linij. Skryn storyz @ustpix / Instagram

Jak piša «Zierkała», spasyłajučysia na słovy karystalnikaŭ u kamientarach, praź miascovyja hrupy ŭ sacsietkach atrymałasia adšukać haspadara sabaki i viarnuć jamu prapažu.

«U biełaruskaj čyhunki najlepšyja pravadnicy!», «Naša čyhunka — samaja dobraja», «Škada, što los pasłaŭ katu Tviksu pravadnicu zusim inšaha charaktaru… Hetamu sabaku pašancavała!» — pišuć karystalniki ŭ kamientarach.

Čytajcie jašče:

U rasijskim Kiravie biessardečnaja pravadnica vykinuła kata ź ciahnika na 30-hradusny maroz. Žyvioła zahinuła

Rasijskaja čyhunka paśla hibieli kata Tviksa źmienić praviły pieravozki chatnich žyviołaŭ

77

3

2

1

1

1

Nashaniva.com