Jak piša «Miedyjazona», u ruskamoŭnych telehram-kanałach Polščy sustrakajucca abviestki pra pošuk kiroŭcaŭ z pravami katehoryi V i ŭłasnym (ci arandavanym) transpartam dla pasažyrskich pieravozak. Časam najmalniki prapanujuć i svoj transpart.
U asabistaj pierapiscy z karespandentam adzin z aŭtaraŭ padobnaj abviestki adkryta napisaŭ, što pieravozić daviadziecca biežancaŭ ź Siryi, Irana, Iraka, Afhanistana, jakija jeduć praź Biełaruś. Apłata — 400 jeŭra za čałavieka. Zahruzka adbyvajecca kala Biełastoka, vyhruzka — kala miažy z Hiermanijaj.
Skryn abviestki ŭ adnym z telehram-čataŭ. Fota: «Miedyjazona».
Ale, jak adznačaje aŭtar artykuła, u bolšaści vypadkaŭ rejs pačynajecca nie ŭ Polščy, a ŭ Litvie. Asobnyja najmalniki navat adrazu paviedamlajuć kiroŭcu, jaki adhuknuŭsia na abviestku, pačatkovy i kancavy punkty maršrutu. Pajezdka ź Vilni da polskaha Hubina pryniasie kiroŭcu pa tysiačy jeŭra z čałavieka.
Skryn pierapiski ŭ adnym z tielehram-čataŭ. Fota: «Miedyjazona»
Kiroŭcaŭ zaprašajuć na pracu i ŭ inšych krainach Jeŭropy. Naprykład, za pieravozki pa Vienhryi karespandentu prapanavali pa 500 jeŭra. A voś u Bałharyi — tolki 150 jeŭra za nielehała. Ale tam abiacali zabiaśpiečyć mašynaj, palivam, charčavańniem i žytłom.
U vypadku Vienhryi i Bałharyi treba pieravozić nielehałaŭ z Turcyi. Pry hetym, jak śćviardžali pracadaŭcy, deficytu klijentaŭ u nielehalnych pieravozčykaŭ niama. Naprykład, u toj ža Bałharyi možna za dzień zrabić dva rejsy. Pasažyry siadziać u čarzie.
A voś u vypadku Litvy situacyja bolš składanaja. Jak patłumačyŭ karespandentu adzin z pracadaŭcaŭ, mihrantu tut spačatku treba atrymać dakumient biežanca i ŭciačy z łahiera. Na heta sychodzić dzień-dva. Zredku zdarajecca tak, što vieźci davodzicca adnaho čałavieka. Ale jon, jak skazaŭ surazmoŭca, płacić jak za ŭsiu mašynu.
Pra zroblenuju pracu kiroŭca pavinien dać spravazdaču, dasłaŭšy videa z kancavoha punkta. Bieź jaje apłaty nie budzie.
Videaspravazdača kiroŭcy. mediazona_by / YouTube
Usie najmalniki, ź jakimi razmaŭlaŭ karespandent, nie chavali, što praca nielehalnaja. Ale kožny davaŭ svaje acenki ryzyk. Adzin śćviardžaŭ, što jany minimalnyja, bo kiroŭcy jeduć biaśpiečnym maršrutam kałonaj u supravadžeńni mašyny «raźviedki». Kali takaja mašyna zaŭvažaje niešta niebiaśpiečnaje, to kałona zbočvaje z darohi.
Inšy śćviardžaŭ, što nielehalny pieravozčyk moža ŭ Vienhryi atrymać da 18 miesiacaŭ turmy. Ale heta nie pazbaŭlaje jaho prava potym viarnucca ŭ Polšču, kali ŭ čałavieka jość polskaja viza ci dazvoł na žycharstva.
Da dvuch hadoŭ źniavoleńnia dajuć u Litvie i Hiermanii. Pa słovach pracadaŭcaŭ, kali kiroŭcu łoviać u Polščy, to maksimum taho, što jamu pahražaje — departacyja.
U vypadku zatrymańnia kiroŭcy ŭsie najmalniki abiacajuć naniać jamu advakata i apłacić štraf.
Čytajcie jašče:
U Polščy raskryli mižnarodnuju hrupoŭku, jakaja praź biełaruskuju miažu mahła pierapravić u Jeŭropu 2600 čałaviek
Z-za nielehałaŭ ź Biełarusi źbirajucca ŭvieści pamiežny kantrol na miažy Hiermanii z Polščaj
Nielehały, što pierajšli miažu ź Biełaruśsiu, uryvajucca ŭ damy łatvijcaŭ
jeśsiesno otkazałsia, no dažie vot dumał sdať etoho "tovariŝa"(ukrainca) policajam, no potom požaleł jeho... chotia možiet i zria...
chrienovo čto polaki nie płatiat za to čto sdaješ etich h....v !