Fota ź instahrama Ivana Kleščanki-Čarniakova
Ivan Kleščanka-Čarniakoŭ naradziŭsia ŭ Homieli, vučyŭsia ŭ Biełaruskim dziaržaŭnym univiersitecie kultury i mastactvaŭ, a taksama ŭ mahistratury kafiedry režysury teatralizavanych pakazaŭ i śviat u SPbHIK. Znajomyja chłopca kažuć, što svaje pieršyja pastanoŭki Ivan pačaŭ rabić, jašče kali byŭ vučniem Iryninskaj himnazii ŭ Homieli.
Na pačatku pandemii karanavirusa ŭ Biełarusi, jakoj aficyjnyja ŭłady nie pryznavali i navat nazyvali psichozam, Ivan razam ź siabroŭkaj šyŭ achoŭnyja kaściumy i maski dla miedykaŭ u balnicach Minska i inšych haradach krainy.
Fota ź instahrama Ivana Kleščanki-Čarniakova
Na praciahu troch hadoŭ Ivan byŭ režysioram-pastanoŭščykam inkluziŭnaha modnaha šou «Kalarovyja sny», u jakim brali ŭdzieł vychavancy internataŭ dla dziaciej z asablivaściami raźvićcia.
Sam Ivan adznačaŭ, što jaho pieršym prajektam samaha vysokaha ŭzroŭniu, dzie jon byŭ hałoŭnym režysioram, stała šeście pakaleńniaŭ i ŭskładańnie kvietak da manumienta Pieramohi ŭ ramkach akcyi «Biełaruś pamiataje» ŭ 2022 hodzie.
U 2023 hodzie ŭ Dzień dziaržaŭnych ściaha, hierba i himna Biełarusi chłopiec byŭ režysioram rytuału ŭšanoŭvańnia dziaržaŭnych simvałaŭ. Režysavaŭ Ivan i respublikanskaje śviata «Aleksandryja źbiraje siabroŭ — 2023». Adtul jon zapościŭ fota z čyrvona-zialonym ściaham i ściaham BRSM z podpisam: «Žyć cikaviej pad pravilnymi ściahami».
Skrynšot ź instahrama Ivana Kleščanki-Čarniakova
Darečy, časopis «Małady vučony» apublikavaŭ artykuł Ivana «Biełaruskaja hipierbalizacyja»: nacyjanalnaja simvolika ŭ mastackim rašeńni teatralizavanych pakazaŭ».
Siarod respublikanskich śviat, jakimi zajmaŭsia Ivan Kleščanka-Čarniakoŭ byli cyrymonija ŭznaharodžańnia pieramožcaŭ Nacyjanalnaj teatralnaj premii, cyrymonija ŭšanoŭvańnia talenavitaj moładzi «Talent Biełarusi» i navat navahodnija bali Łukašenki (jon byŭ adnym z kamandy-arhanizataraŭ). Staviŭ i hała-kancert «Lubimuju nie addajuć» padčas Foruma patryjatyčnych siłaŭ.
Ivan chvareŭ daŭno i ciažka. U lipieni 2023 hoda jon pisaŭ u instahramie pra svaju pajezdku dadomu, jaki nazyvaŭ miescam mocy: «Zaŭsiody, pryjazdžajučy dadomu, ja pierazaradžajusia, ułahodžvajusia i z novymi siłami viartajusia ŭ tonus. Ale hety raz staŭ vyklučeńniem! Ad rassłableńnia ŭsie maje bolki vyleźli vonki, i pa fizičnym stanie moj tydzień pieratvaryŭsia ŭ piekła».
«Ty mužna zmahaŭsia i kazaŭ mnie, što ŭpeŭnieny ŭ vyzdaraŭleńni. Ale niešta pajšło inakš. Laci dadomu, Vaniuša, taki małady i taki zadorny», — napisała ŭ instahramie śpiavačka Alena Łanskaja.
Raźvitańnie ź Ivanam Kleščankam-Čarniakovym adbudziecca 13 studzienia.
Čytajcie taksama:
Na navahodnim bali Łukašenka pasadziŭ pobač z saboj aficera
Jak valsiravali Dźmitryj Baskaŭ i Natalla Ejsmant na navahodnim bali Łukašenki
Na fiestyval u Aleksandryi Łukašenka pajechaŭ sa svajoj staroj znajomaj
