Śviatłana Cichanoŭskaja. Fota: OSC
Kiraŭnik Abjadnanaha pierachodnaha kabinieta Śviatłana Cichanoŭskaja 15—18 studzienia voźmie ŭdzieł u Suśvietnym ekanamičnym forumie ŭ Davosie (Šviejcaryja), paviedamiŭ «Pozirku« jaje hałoŭny daradca Franak Viačorka.
Pavodle jaho słoŭ, udzieł palityka ŭ hetym forumie daje mahčymaść «abmierkavać demakratyčnuju budučyniu Biełarusi i pahutaryć z suśvietnymi lidarami pa aktualnych mižnarodnych pytańniach».
Cichanoŭskaja vystupić na panelach «Abaraniajučy adziny front Jeŭropy», «Kudy idzie svaboda vykazvańnia mierkavańniaŭ?», voźmie ŭdzieł u mierapryjemstvach z udziełam kiraŭnictva AAN, SHA, AESR, lidaraŭ Niderłandaŭ, Łatvii, Tymora-Lešci (Uschodniaha Tymora) dy inš.
Zapłanavanyja dvuchbakovyja sustrečy, u tym liku sa śpikieram parłamienta Filipin, pradstaŭnikami mižnarodnaha biznesu i technałahičnych kampanij.
Čytajcie taksama:
Cichanoŭskaja zarehistravała fond na imia asudžanaha fiłosafa Uładzimira Mackieviča? Kaniečnie, fejk
