U kastryčniku minułaha hoda Ała Zujeva była asudžanaja da 2,5 hadoŭ kałonii. Šeść hadoŭ tamu joj pastavili dyjahnaz «lejkoz». Dačka palitźniavolenaj raskazała «Radyjo Svaboda», što žančynie treba pastajanna naziracca ŭ lekaraŭ, rabić analizy, kab chvaroba nie prahresavała, prymać patrebnyja leki.
Simptomy prajaŭlajucca pieryjadami. Byvaje, jana adčuvaje siabie dastatkova dobra, a byvajuć dni, kali ŭ jaje niama siłaŭ, jana chutka stamlajecca, adčuvaje słabaść, nie moža ŭstać. U žančyny mocna balić śpina. Byvajuć paničnyja ataki, jakija zdaralisia jašče da turmy.
Chimijaterapiju Ale Zujevaj raniej nie rabili, ale jana moža spatrebicca, kali zdaroŭje žančyny budzie paharšacca. Joj dachodziać listy tolki ad dački, ad inšych svajakoŭ i siabroŭ — nie.
Čytajcie taksama:
Vyjšaŭ na volu palitviazień Michaił Kucharčuk
«Moj dziadźka Pavieł». Paŭłu Sieviaryncu — 47 hadoŭ
«Ja z 13 hadoŭ žyvu ź biełaruščynaj». Źniavolenamu žurnalistu Andreju Kuźniečyku — 45
