Fota: Russia Emergency Situations Ministry telegram channel via AP, File
Hubiernatar Biełharadskaj vobłaści anansavaŭ mahčymaść evakuacyi ź Biełharada. Hetuju zajavu Viačasłaŭ Hładkoŭ zrabiŭ u svaim telehram-kanale, paviedamlaje «Dožd́».
«Baču niekalki zvarotaŭ u sacyjalnych sietkach, dzie pišuć: «Nam strašna, dapamažycie nam vyjechać u biaśpiečnaje miesca». Kaniečnie, dapamožam! Užo niekalki siemjaŭ pieravieźli», — napisaŭ Hładkoŭ.
Dla evakuacyi ź Biełharada treba pakinuć zajaŭku ŭ administracyi vobłaści, horada ci pa telefonie. Pieravozić haradžan płanujuć u Stary Askoł abo Hubkin.
Abstreły Biełharada praciahvajucca z 30 śniežnia. Tady padčas najbujniejšaha rakietnaha ŭdaru z boku Ukrainy zahinuli 25 čałaviek, bolš za sotniu byli paranienyja.
