«Vostraŭ čyścini» pradaje nie tolki bytavuju chimiju, ale i pradukty, i ałkahol. Fota: «Naša Niva»
Z 8 studzienia dastaŭka paetapna pačnie pracavać u abłasnych centrach i Iŭi. Ab zapusku ŭ rehijonach sietka paviedamić dadatkova.
Ciapier u internet-kramie možna zamović bolš za 5 tysiač tavaraŭ, asartymient abiacajuć pašyryć da 15 tysiač pazicyj.
U kastryčniku 2023 hoda ŭ kantakt-centry kampanii raspaviali Office Life, što prypynili dastaŭku praz techničnaje abnaŭleńnie sajta.
U pačatku lipienia ŭ internet patrapili źviestki 730 tysiač pakupnikoŭ roźničnaj sietki. Pa hetym fakcie kampaniju praviaraŭ Nacyjanalny centr abarony piersanalnych źviestak.
A ŭ kancy vieraśnia stała viadoma, kampanija «Romaks», jakaja kiruje «Vostravam čyścini i smaku» dy «Vostravam zdaroŭja», sutykajecca ź finansavymi ciažkaściami.
Kiruje kramami i brendami hrupa kampanij «Romaks». Jaje asnoŭnyja bienieficyjary — siamja Viktara Ramuka. Na Ramukoŭ pracujuć bolš za 7000 čałaviek.
Jak raniej paviedamlała «Naša Niva», Ramuka aryštoŭvali ŭ 2022-m. Za vychad tady daviałosia zapłacić vialikuju sumu ŭ niekalki miljonaŭ dalaraŭ. Finansavyja prablemy ŭ sietki ŭźnikli taksama praz chiby ŭ biznes-madeli i ekanamičnyja šoki na rynku: skaračeńnie kupčaj zdolnaści, rost cany impartu praz padzieńnie rubla, abmiežavańnie maksimalnaj nacenki pa 713-m ukazie, padaražeńnie kredytaŭ.
Čytajcie taksama:
Zirnicie, što budujuć na miescy staroha lampavaha Červieńskaha rynku
Rajonka zładziła rejd pa sielskich kramach i ledź znajšła mandaryny
U Minsku ŭ piatnicu adkryjecca jašče adzin dyskaŭntar. Pryčym u tavaraŭ budzie pa dźvie cany
