Zhodna sa źmienami ŭ Padatkovym kodeksie, z 2024 hoda pavyšajecca pamier raźlikovaha koštu kvadratnaha mietra typavoha kapitalnaha budynka. Da jaho pryviazany padatak na pieršuju kvateru: jon składaje 0,1% ad koštu kvadratnaha mietra, pamnožanaha na kolkaść «kvadrataŭ» u kvatery.
Dla Minska košt kvadratnaha mietra žyłoha pamiaškańnia vyraście da 968 rubloŭ (ciapier 900 rubloŭ). Dla abłasnych haradoŭ i Minskaha rajona — da 806 rubloŭ (ciapier 750).
Dla Baranavičaŭ, Babrujska, Barysava, Vaŭkavyska, Horak, Dziaržynska, Žłobina, Žodzina, Kobryna, Kryčava, Lidy, Mazyra, Maładziečna, Navahradka, Navapołacka, Oršy, Asipovičaŭ, Pinska, Połacka, Rečycy, Śvietłahorska, Słonima, Słucka, Smalavičaŭ, Smarhoni, Salihorska, Fanipala — da 710 rubloŭ (ciapier 660).
Dla astatnich nasielenych punktaŭ raźlikovy košt «kvadrata» padymuć da 538 rubloŭ (zamiest ciapierašnich 500).
Čytajcie taksama:
1 studzienia vyraście padatak na zdaču kvater u najom
