Alena i Lavon Barščeŭskija padrychtavali arfahrafičny słoŭnik. Jon vyjdzie zhodna z novymi praviłami biełaruskaj arfahrafii i punktuacyi, jakija ŭstupajuć u siłu z 1 vieraśnia 2010 hoda.
Heta budzie dapoŭnienaje pieravydańnie słoŭnika, jaki skłała Alena Barščeŭskaja. U papiarednim vydańni naličvałasia 35 tysiač słoŭ. Sp. Lavon dadaŭ jašče amal 7 tysiač. Admietnaść słoŭnika ŭ tym, što ceły raździeł u im pryśviečany pravilnamu napisańniu zamiežnych asabovych imionaŭ.
«Takoha da nas jašče nichto nie rabiŭ. Heta, praŭda, tolki raździeł. Ale varta było b zrabić asobny słoŭnik. Mo kali i vaźmusia», — kaža sp. Barščeŭski.
Jon spadziajecca, što čynoŭniki ź Instytuta movy i litaratury imia Jakuba Kołasa i Janki Kupały na ich pracu «kryvicca nie buduć». Choć dyrektar hetaj ustanovy Alaksandr Łukašaniec i padkreślivaje, što sapraŭdnymi źjaŭlajucca tolki tyja słoŭniki, što vydajucca pad hryfam instytuta.
0
0
0
0
0
0
