Razhlad kryminalnaj spravy aktyvista BCHD Juryja Kazaka adbudziecca ŭ Navahradku ŭ aŭtorak 29 śniežnia. Pačatak a 10‑j, paviedamlaje pres‑słužba BCHD.
Sustaršynia arhkamiteta stvareńni BCHD Pavieł Sieviaryniec u kamientary «Našaj Nivie» zaznačyŭ, što ŭłady śpiecyjalna vyrašyli pryznačyć sudovaje pasiedžańnie ŭ pieradnavahodni dzień, spadziejučysia, što ludskaja salidarnaść budzie razmytaja, i praces projdzie niezaŭvažanym.
Pavieł Sieviaryniec zaklikaŭ usich nieabyjakavych pryjechać u Navahradak, zaznačyŭšy, što ŭ sudzie ŭ jakaści ekśpiertaŭ buduć vystupać aficyjnyja historyki, jakija buduć davodzić pra histaryčnuju kaštoŭnaść pomnikaŭ Leninu.
BCHD budzie zaprašać u svaju abaronu historykaŭ‑antykamunistaŭ.
***
Pomnik ŭ Navahradku byŭ paškodžany ŭ noč na 7 listapada. Jaho ablili zialonaj farbaj.
U toj ža dzień byli zatrymanyja moładzievyja aktyvisty BCHD. Dziejańni Juryja Kazaka acharaktaryzavanyja jak «naŭmysnyja, parušajučyja hramadski paradak i vyznačanyja asablivym cynizmam». Była zaviedziena kryminalnaja sprava pavodle častki 1 art. 339,
što praduhledžvaje pakarańnie ŭ vyhladzie 3 hadoŭ chimii, abo štrafu.
