Prezidyum Kaardynacyjnaj rady ŭ žniŭni 2020 hoda, kali jana sapraŭdy była patrebnaja. Źleva naprava — Pavieł Łatuška, Maryja Kaleśnikava, Volha Kavalkova, Maksim Znak, Siarhiej Dyleŭski. Łatuška, Kavalkova i Dyleŭski ciapier u emihracyi, Kaleśnikava i Znak — palitźniavolenyja. Fota: Tut.by

Prezidyum Kaardynacyjnaj rady ŭ žniŭni 2020 hoda, kali jana sapraŭdy była patrebnaja. Źleva naprava — Pavieł Łatuška, Maryja Kaleśnikava, Volha Kavalkova, Maksim Znak, Siarhiej Dyleŭski. Łatuška, Kavalkova i Dyleŭski ciapier u emihracyi, Kaleśnikava i Znak — palitźniavolenyja. Fota: Tut.by

U jakaści padazravanych pa spravie Kaardynacyjnaj Rady pryciahnuta zvyš sta asob, pravodziacca śledčyja dziejańni i apieratyŭna-vyšukovyja mierapryjemstvy, raskazali BIEŁTA ŭ Śledčym kamitecie Biełarusi.

SK sumiesna z MUS źbirajuć dokazy adnosna dziejnaści, jakaja viałasia ŭ 2020 hodzie pa stvareńni Kaardynacyjnaj rady, piša Biełta.

SK nazyvaje hetu inicyjatyvu «sprobami pa zachopie dziaržaŭnaj ułady» i i prasoŭvańniem «idei hvałtoŭnaj źmieny kanstytucyjnaha ładu».

Łukašenkaŭcy śćviardžajuć, što śpis siabroŭ Rady im pieradaŭ adzin z udzielnikaŭ KR, jaki nibyta viarnuŭsia ŭ Biełaruś praz «kamisiju pa viartańni». Hetaje śćviardžeńnie niemahčyma pravieryć, u minułym takija zajavy časta vyjaŭlalisia niepraŭdzivymi i skiravanymi na toje, kab pasiejać niedavier.

SK padazraje va ŭčynieńni złačynstvaŭ, praduhledžanych č.1 art. 357 (zmova z metaj zachopu dziaržaŭnaj ułady niekanstytucyjnym šlacham) i č. 3 art. 361-1 (uvachodžańnie ŭ skład ekstremisckaha farmavańnia ŭ metach učynieńnia złačynstvaŭ ekstremisckaj nakiravanaści) zvyš 100 čałaviek. 

Ciapier pravodziacca śledčyja dziejańni i apieratyŭna-vyšukovyja mierapryjemstvy, u tym liku pieratrusy. Z ulikam atrymanych dokazaŭ budzie razhledžana pytańnie ab zapusku pracedury śpiecyjalnaj vytvorčaści, piša Biełta. 

Siońnia pa krainie prajšli masavyja pieratrusy ŭ ludziej, źviazanych z Kaardynacyjnaj radaj apazicyi. Pryjšli pa miescy rehistracyi Paŭła Łatuški, Siarhieja Čałaha, Jurasia Hubareviča i inšych. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?