Dźvie hadziny ciahnułasia siońnia sustreča delehacyi śpiecyjalnaj rabočaj hrupy pa Biełarusi Parłamienckaj asamblei ABSIE, jakaja znachodzicca ź vizitam u Minsku, z pradstaŭnikami palityčnaj apazicyi.
Sesilija Vihstram.
Ačolvaje delehacyju deputatka sa Šviecyi baranesa Sesilija Vihstram. Razam ź joj znachodziacca jašče dva čalcy hrupy: z Polščy i Italii.
Apazicyju na sustrečy pradstaŭlali Juraś Hubarevič, Źmicier Daškievič, Alaksandr Kazulin, Siarhiej Kalakin, Anatol Labiedźka, Anatol Laŭkovič, Vital Rymašeŭski.
Na ahulnuju dumku, sustreča atrymałasia «kanstruktyŭnaj, z elemientami krytyčnaha dyjałohu».
Pačatkam dyskusii stała prapanova apazicyi padsumavać vyniki toj stratehii, jakoj Parłamienckaja asambleja ABSIE pačała prytrymlivacca z 2000 hoda. Mienavita tady PA ABSIE pryznała Nacyjanalny schod Biełarusi paŭnavartasnym parłamientam. Meta vyhladała abnadziejvajučaj – navučyć biełaruskich deputataŭ demakratyi. Ale, jak padkreślivali apazicyjaniery, najbolš žorstkaje represiŭnaje zakanadaŭstva było pryniataje Nacyjanalnym schodam jak raz padčas hetaha navučańnia. I tamu, na dumku haspadaroŭ sustrečy, PA ABSIE patrebna ŭnosić karektyvy ŭ hetu stratehiju.
Siońnia delehacyja ź Vieny naviedaje taksama Ministerstva justycyi, Pałatu pradstaŭnikoŭ i Centralnuju vybarčuju kamisiju.
Naviedvańnie Ministerstva zamiežnych spraŭ i vynikovaja pres-kanfierencyja adbuducca zaŭtra ŭ pieršaj pałovie dnia.
