U Kijevie 14 śniežnia prezientavali łahatyp i słohan Čempijanata Jeŭropy pa futbole, što projdzie ŭ 2012 h. u Polščy i va Ukrainie.
Słohanam Čempijanata Jeŭropy stanie skaz «Tvorym historyju razam». Pra heta było paviedamlena ŭ paniadziełak na ŭračystaj cyrymonii ŭ Kijevie.
Łahatyp ujaŭlaje saboj try pialostki, adzin — u formie futbolnaha miača, druhi — vykanany ŭ žoŭta‑błakitnych (ukrainskich) kolerach, treci — bieła‑čyrvony — simvalizuje Polšču.
Va ŭračystaści brali ŭdzieł prezident Ukrainy Viktar Juščanka, premjer‑ministr Julija Cimašenka, prezident UEFA Mišel Płacini, kiraŭnik ukrainskaj futbolnaj fiederacyi Hryhoryj Surkis, kiraŭniki haradoŭ, dzie projdzie kantynientalnaje pieršynstvo.
***
11 śniežnia vykankam UEFA na vyjezdnym pasiadžeńni ŭ Funšale (Partuhalija) pryniaŭ rašeńnie pakinuć čatyrom ukrainskim haradam — Kijevu, Daniecku, Lvovu i Charkavu — prava pravieści matčy čempijanatu Jeŭropy.
Aproč taho, uchvalena kančatkovaje rašeńnie, što finał turniru projdzie ŭ Kijevie.
