Fota Śviatłany Žyhimont i Michaiła Turkanava z sacsietak. Kałaž: «Naša Niva»
Mikałaj Turkanaŭ vajuje ŭ składzie rasijskich vojskaŭ va Ukrainie. Pry hetym jon nie chavaje svaich nacysckich simpatyj u sacyjalnych sietkach.
Na ciele ŭ jaho jość tatu svastyki i nadpis «Idu na vy», što aznačaje ŭ pierakładzie sa starasłavianskaj «Idu na vas», jaki adsyłaje da staražytnaruskich letapisaŭ.
Publikacyja zboru na padtrymku Turkanava ŭ kanale Žyhimont (źleva). Sam Turkanaŭ nie chavaje nieanacysckich pohladaŭ i dzielicca hetym u sacsietkach. Fota: sacsietki
Za ŭdzieł u napadzie na Ukrainu Mikałaj Turkanaŭ uznaharodžany rasijskim ordenam Mužnaści. Da hetaha mužčyna byŭ bajcom MMA, rehularna ŭdzielničaŭ u bojkach pamiž rasijskimi futbolnymi fanatami, a taksama siadzieŭ u turmie na praciahu 5 hadoŭ za «vykradańnie čałavieka» i «vymahańnie».
Rasijskaja i łukašenkaŭskaja prapahanda vystaŭlajuć ukraincaŭ nacystami i hetym apraŭdvajuć uvarvańnie va Ukrainu. Čaplajucca pry hetym da postaci Ściapana Bandery i histaryčnaj acenki Arhanizacyi ŭkrainskich nacyjanalistaŭ, jakaja viała baraćbu za niezaležnaść Ukrainy ŭ pieršaj pałovie XX stahodździa, vykarystoŭvajučy hvałtoŭnyja mietady, u tym liku i razharnuła partyzanskaje zmahańnie suprać savieckaj akupacyi.
Nasamreč, nieanacysckija pohlady, jak i antysiemityzm, ksienafobija, raspalvańnie varožaści pa nacyjanalnaj prykmiecie, čaściej sustrakajucca ŭ Rasii i Biełarusi, čym va Ukrainie, demakratyčnaj dziaržavie.
Paśla taho jak na repost mastački źviarnuli ŭvahu miedyja, jana jaho vydaliła.
Čytajcie taksama:
Mastačka Žyhimont: «Mianie ŭnieśli ŭ stop-list, intervju nie dajuć u efir»
Palitołah raskazaŭ, chto i kali spynić Azaronka i Mukavozčyka
mužyki, vy šo - usie takija kamanduny?