Daśledavańni pravodzilisia hrupaj archieołahaŭ – supracoŭnikaŭ Instytuta historyi AN – pad kiraŭnictvam Vadzima Łakizy.
U chodzie ich nie było vyjaŭlena archieałahičnych pomnikaŭ, jakija mohuć być źniščanyja padčas budaŭnictva atamnaj elektrastancyi.
«Pa piśmovych krynicach archieałahičnych abjektaŭ u dadzienym rajonie budaŭničych rabot nie viadoma. Liču, što Astravieččyna ŭvohule nie takaja bahataja na archieałahičnyja pomniki roznych pieryjadaŭ, jak inšyja rehijony Biełarusi», -- raspavioŭ u hutarcy z «NN» Vadzim Łakiza.
Archieołahi praviali vizualny ahlad i šurfoŭku ŭ miescach, dzie płanujecca pabudavać čyhunačnuju vietku, što złučyć stancyju z čyhunkaj, i placoŭku dla samoj AES. Raniej, u mai i žniŭni biahučaha hoda, užo pravodzilisia daśledavańni na miescy pabudovy novaj darohi Haza – Astraviec.
Daśledavańni, praviedzienyja Akademijaj navuk, doŭžylisia tydzień i achapili terytoryju, bolšuju za sto hiektaraŭ. V.Łakiza adznačyŭ, što hrupie archieołahaŭ udałosia vyjavić niekalki archieałahičnych abjektaŭ, adnak jany nie znachodziacca niepasredna ŭ zonie budaŭnictva.
Zamoŭnikam daśledavańniaŭ, u adpaviednaści z zakanadaŭstvam krainy ŭ vobłaści achovy historyka-kulturnaj spadčyny, vystupiŭ šerah arhanizacyj, u tym liku «Dyrekcyja budaŭnictva Astravieckaj AES».
Płanujecca, što archieołahi buduć pravodzić pieryjadyčny nahlad za ziemlanymi rabotami pa budaŭnictvie stancyi.