Premjer Estonii Kaja Kałas vitajecca z premjer-ministram Ukrainy Dzianisam Šmyhalem. Fota ź jaje instahrama
Užo ŭ samym pačatku vajny va Ukrainie jeŭrapiejskija krainy daručyli Jeŭrakamisii raspracavać jurydyčnuju schiemu, jakaja dapamahła b vykarystoŭvać zamarožanyja aktyvy Rasbi dla dapamohi Ukrainie i jaje adnaŭleńnia.
4 studzienia tahačasny ŭrad u składzie Partyi reformaŭ, «Ajčyny» i Sacyjał-demakratyčnaj partyi vyrašyŭ, što pakolki Jeŭropa jašče nie znajšła rašeńnia, to hetym zojmiecca Estonija.
Premjer-ministr Kaja Kałas skazała Postimees, što heta krok u pravilnym kirunku.
«My spadziajomsia, što ŭ Jeŭrapiejskaj radzie raspracavanaje nami rašeńnie prymuć. Pravavyja sistemy roznych krain adroźnivajucca, ale my, biezumoŭna, zmožam prasunucca ŭ hetym pytańni, kali ŭ Jeŭrapiejskim sajuzie budzie ahulnaja asnova. Rašeńnie amal hatova, jano abmiarkoŭvałasia ŭ Kabiniecie ministraŭ, ale niekatoryja detali jašče treba ŭdakładnić», — skazała kiraŭnica ŭrada Estonii.
Pavodle jaje słoŭ, zamarožanyja aktyvy Rasii buduć prymianiacca dla adnaŭleńnia Ukrainy ŭ avansavym paradku: kali Maskva voźmie na siabie adkaznaść za naniesienuju škodu i vypłacić kampiensacyi, heta dazvolić joj atrymać kampiensacyju za kanfiskavanyja aktyvy.
