Dźmitryj Piaskoŭ. Fota: kremlin.ru
Raniej Łukašenka zajaviŭ, što ŭ suviazi z apošnimi padziejami ŭ Rasii «ni ŭ jakim razie» nie treba rabić hieroja ź jaho, z Pucina ci zasnavalnika PVK «Vahnier» Jaŭhiena Pryhožyna, bo «situacyju vypuścili», a potym «dumali, što razydziecca, a jano nie razyšłosia».
«Nie dumaju, što maju prava kamientavać Alaksandra Ryhoraviča. Prezident [RF Uładzimir Pucin] naŭprost učora daŭ vysokuju acenku jaho namahańniam pa ŭrehulavańni hetaha kryzisu, — skazaŭ Piaskoŭ u aŭtorak žurnalistam. — Nu i, viadoma, tut usio ž hałoŭnaje — heta namahańni prezidenta Rasijskaj Fiederacyi, jaho vola nie dapuścić horšaha raźvićcia padziej. Heta było zroblena».
Adkazvajučy na pytańnie, ci jość u Kramla paćviardžeńnie infarmacyi, jakaja źjaviłasia ŭ miedyja, ab tym, što Pryhožyn užo nibyta prybyŭ u Biełaruś, Piaskoŭ adznačyŭ: «Tut ja nie maju nijakich źviestak i ničoha nie mahu vam skazać».
Čytajcie taksama:
Łukašenka zajaviŭ, što ŭ subotu pryvioŭ vojski ŭ poŭnuju bojehatoŭnaść
