Fota: «Naša Niva»
Instagram płanuje vypuścić tekstavy dadatak, jaki budzie kankuravać z Twitter. Pra heta paviedamlaje Bloomberg.
Ciapier kampanija testuje ideju novaha prajekta sa znakamitaściami i ŭpłyvovymi asobami. Sam dadatak moža ŭbačyć śviet užo ŭ červieni hetaha hoda.
Adznačajecca, što jon budzie asobna ad Instagram, ale dazvolić ludziam abjadnoŭvać akaŭnty. Taksama prajekt moža być sumiaščalny ź inšymi prahramami — kankurentami Twitter, uklučajučy Mastodon.
Pa słovach vykładčyka sacyjalnaha markietynhu i ŭpłyvovaha markietynhu ŭ Kalifarnijskim univiersitecie Lii Chabierman, Meta, jakaja vałodaje Instagram, moža apiaredzić zadumu Maska pieratvaryć Twitter u «dadatak dla ŭsiaho» z mnostvam funkcyj, akramia infarmacyjnych pastoŭ. Dla hetaha Meta pavinna prosta kansalidavać uvieś dośvied, jaki jany nazapašvajuć.
