Paviedamleńnie było łakaničnym:
«Ja doma. Dziakuj usim, chto niepakoiŭsia».
Pravaabaroncam stała viadoma, što 27 krasavika ŭ sudzie Kastryčnickaha rajona Minska razhladali spravu suprać Alaksandry Zacharyk. Sudździa Ina Siviec pryznačyła śpiavačcy pakarańnie, nie źviazanaje z pazbaŭleńniem voli (termin i vid pakarańnia pravaabaroncam pakul nieviadomyja). U vyniku Alaksandru vyzvalili ŭ zale suda.
Alaksandru Zacharyk zatrymali sioleta 30 studzienia. 34-hadovuju žančynu abvinavačvali ŭ «arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich».
Zacharyk — džazavaja śpiavačka, udzielnica šou «Hołas». U 2009 i 2016 hadach jana vychodziła ŭ finał nacyjanalnaha adboru na «Jeŭrabačańnie». Akramia taho, Alaksandra vystupała z hurtom Apple Tea i pracavała nad ułasnym prajektam ZAKHARIK.
Čytajcie taksama:
Dziaŭčynu zatrymali za kamientary. Voś jak jaje adšukali
Płastyčnaha chirurha Alaksieja Dužaha prysudzili da dvuch hadoŭ «chimii»
