Premjer-ministr Ukrainy Julija Cimašenka ličyć, što padzieńnie Bierlinskaj ściany pasłužyła stymułam dla nabyćcia Ukrainaj niezaležnaści.
Pra heta havorycca ŭ zajavie ukrainskaah premjera z nahody 20-aj hadaviny padzieńnia Bierlinskaj ściany. Premjer ličyć, što heta padzieja paskoryła demakratyčnyja pracesy ŭ Jeŭropie i sadziejničała tamu, što mienš čym praz dva hady Ukraina abviaściła niezaležnaść. U suviazi z hetym Cimašenka zaklikała ukraincaŭ nie prosta adznačyć i ŭspomnić hetyja časy,
a zasiarodzić uvahu na niezavieršanych aśpiektach vyzvaleńnia krainy.
«Razam z narodami Jeŭropy i śvietu my śviatkujem hetuju vydatnuju padzieju. Ale siońnia niedastatkova prosta ŭspomnić tyja dramatyčnyja časy. My pavinny zasiarodzić našu ŭvahu na niezavieršanych aśpiektach vyzvaleńnia», - havorycca ŭ zajavie Julii Cimašenka.
Pry hetym premjer adznačaje, što pieršačarhovym zadańniem ukraincaŭ pavinien stać kłopat ab svaich siemjach i budučyni, a padstavaj dla hetaha pavinna być abjadnańnie Jeŭropy. Mienavita dziakujučy abjadnańniu ŭkraincy zmohuć nazaŭsiody pazbavicca ad tatalitaryzmu. "Uroki minułaha patrabujuć Abjadnanaj Jeŭropy, a sapraŭdnaje jeŭrapiejskaje adzinstva tolki farmirujecca. My pavinny davieści da kanca zadaču abjadnańnia Jeŭropy, bo tolki dziakujučy hetaj jednaści my zmožam nazaŭsiody pazbavicca ad tatalitaryzmu", - zajaviła premjer.
Julija Cimašenka taksama padkreśliła, što ŭkraincy imknucca stać paŭnapraŭnaj častkaj abjadnanaj Jeŭropy. «Imknučysia stać paŭnapraŭnaj častkaj Abjadnanaj Jeŭropy, ukraincy paśladoŭna refarmujuć svaju dziaržavu, uvodziać jeŭrapiejskija kaštoŭnaści i standarty. My majem upeŭnienaść, što jeŭrapiejski kantynient bolš nikoli nie budzie padzieleny ni adnoj ścianoj - kamiennaj, žaleznaj abo papiarovaj», - zajaviła Cimašenka.
Jana zaklikała ukraincaŭ umacoŭvać ŭ krainie pryncypy spraviadlivaści i roŭnaści.
«My nie pavinny advaročvacca ad ciažkaj pracy pa ŭkaranieńniu spraviadlivaści i roŭnaści ŭ našych ŭsio jašče maładych demakratyjach. Kali my chočam paśpiachova zaviaršyć hetuju zadaču, my pavinny pamiatać pra radaść, jakaja panavała dvaccać hadoŭ tamu ŭ Bierlinie», - zaznačyła kiraŭnik ukrainskaha ŭrada.
Nahadajem, što ŭzimku va Ukrainie majuć adbycca pieršyja paśla «pamarančavaj revalucyi» prezidenckija vybary. Hałoŭnymi pretendentami na pasadu kiraŭnika Ukrainy źjaŭlajucca ciapierašni premjer Julija Cimašenka i lider «Partyi Rehijonaŭ» Viktar Janukovič.
