01.04.2023
/ 15:58 / Ałharytmičny łacinski varyjant
Kitaj prapanavaŭ nie raźmiaščać jadziernuju zbroju za miažoj
Kitaj prapanavaŭ krainam, jakija raźmiaścili jadziernuju zbroju ŭ inšych dziaržavach, viarnuć jaje ŭ svaje terytaryjalnyja miežy i admovicca ad takoj praktyki. Hetuju prapanovu vykazaŭ namieśnik pastajannaha pradstaŭnika KNR pry AAN Hen Šuan, vystupajučy na pasiadžeńni Rady biaśpieki AAN.
Hen Šuan. Fota: tvitar
«My zaklikajem da skasavańnia damoŭlenaściaŭ ab supolnym vykarystańni jadziernych uzbrajeńniaŭ i vystupajem za admovu ad raźmiaščeńnia jadziernaj zbroi za miažoj usimi jadziernymi dziaržavami», — havorycca ŭ zajavie.
Hetuju zajavu možna ŭsprymać jak krytyku rasijskaha kiraŭnictva, jakoje dniami paviedamiła pra namiery raźmiaścić taktyčnuju jadziernuju zbroju ŭ Biełarusi. Ale adnačasova Hen Šuan zaklikaŭ jadziernyja dziaržavy vyvieści ź inšych krain jadziernuju zbroju, raźmieščanuju tam raniej. I heta ŭžo chutčej vada na młyn Maskvy, bo rasijskaje kiraŭnictva svaje ciapierašnija dziejańni apraŭdvaje ŭ tym liku i tym, što jadziernaja zbroja ZŠA, maŭlaŭ, znachodzicca nie tolki na ich terytoryi.
Čytajcie taksama:
MZS Litvy pavinšavała z abrańniem RF kiraŭnikom Rady biaśpieki AAN žartam ab rasijskim vajskovym karabli
Pradstaŭnik Biełarusi ŭ AAN padziakavaŭ Ukrainie za vyniasieńnie pytańnia pra jadziernuju zbroju. Ale heta byŭ śpiecyfičny humar
«U Krymie rasijskija bazy stali apornymi punktami dla anieksii». Kavaleŭski pra niebiaśpieku raźmiaščeńnia ŭ Biełarusi jadziernaj zbroi
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
