Ministr unutranych spraŭ Polščy Maryjuš Kamiński, Fota: MUS Polščy

Ministr unutranych spraŭ Polščy Maryjuš Kamiński, Fota: MUS Polščy

Ministerstva ŭnutranych spraŭ Polščy raskryła novyja padrabiaznaści niadaŭniaha raskryćcia rasijskaj špijonskaj sietki ŭ krainie. Infarmacyja pra heta była apublikavanaja 16 sakavika na aficyjnym sajcie viedamstva.

Kiraŭnik polskaha MUS Maryjuš Kamiński zajaviŭ, što ŭsiaho było zatrymana 9 «zamiežnikaŭ z-za ŭschodniaj miažy», jakija viali raźviedvalnuju dziejnaść i rychtavali dyviersii ŭ Polščy.

«Zatrymanyja — zamiežniki z-za ŭschodniaj miažy. Šeść ź ich byli źmieščanyja pad vartu da suda. Prakuratura vystaviła im abvinavačańnie ŭ špijanažy na karyść Rasii i ŭdziele ŭ arhanizavanaj złačynnaj hrupoŭcy. U dačynieńni da jašče traich, zatrymanych učora, praciahvajuć vieścisia śledčyja mierapryjemstvy», — raspavioŭ Kamiński.

Pavodle jaho słoŭ, hałoŭnaj metaj špijonaŭ byŭ sabataž dapamohi Ukrainie ŭzbrajeńniami, a taksama prapahanda antyzachodnich nastrojaŭ u Polščy. 

Taksama, pa infarmacyi polskaha Ahienctva ŭnutranaj biaśpieki, zatrymanyja za svaju dziejnaść rehularna atrymlivali ŭznaharodžańnie ad rasijskich śpiecsłužbaŭ.

Nahadajem, što jašče ŭčora źjaviłasia infarmacyja ab likvidacyi rasijskaj špijonskaj sietki ŭ Polščy. Tady paviedamlałasia, što dyviersanty zajmalisia sačeńniem za čyhunačnymi puciami ŭ Padkarpackim vajavodstvie — u pryvatnaści, kala aeraporta Jasioncy niepadalok ad Rašava (Žešuŭ), dzie znachodzicca važny punkt pastavak zachodniaj zbroi va Ukrainu.

U polskich ŚMI i viedamstvach aficyjna jašče nie źjaŭlałasia infarmacyja pra asoby zatrymanych, bo heta zabaroniena polskimi zakonami. Adnak prałukašenkaŭskija telehram-kanały ŭžo nazvali imiony troch aryštavanych biełarusaŭ. 

Voś jany:

  • Mikałaj Maskalenka, 1971 h. n.
  • Uładzisłaŭ Paśmiciucha, 1994 h. n.
  • Maryja Miadźviedzieva, 2004 h. n.

Na ciapierašni momant aficyjnaj infarmacyi z polskaha boku pra hetych ludziej niama.

Čytajcie taksama:

Palaki pačali stavić umacavańni na miažy ź Biełaruśsiu FOTA

Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?

Hienprakuratura Ukrainy abvinavaciła rasijskich sałdat u zhvałtavańni čatyrochhadovaj dziaŭčynki i jaje maci na vačach u baćki — Reuters

Клас
33
Панылы сорам
0
Ха-ха
3
Ого
2
Сумна
0
Абуральна
5