«Złačynstvy pažadana ździajśniać bieź śviedak, — prakamientavaŭ Arłoŭ. — Režym Łukašenki rychtujecca siońnia ździejśnić złačynstva: vynieści žorstki, niespraviadlivy abvinavaŭčy prysud maim kaleham-pravaabaroncam i siabram z centra «Viasna». Za što? Vyklučna za ich pravaabarončuju pracu. Tamu nie ździviŭsia, kali pry pasadcy ŭ samalot daviedaŭsia, što mnie zabaronieny ŭjezd u łukašenkaŭskuju Biełaruś. Spadziajusia pryjechać u paślałukašenkaŭskuju Biełaruś i abniać viasnoŭcaŭ na voli».
5 studzienia Aleh Arłoŭ i žurnalistka Kaciaryna Jańšyna prysutničali na pieršym pasiadžeńni pa spravie «Viasny». Paśla jaho zakančeńnia Jańšynu zatrymali, abvinavacili ŭ drobnym chulihanstvie. Sud pryznačyŭ joj 15 sutak aryštu.
Paśla vychadu z Akreścina Kaciarynu departavali i zabaranili ŭjezd u Biełaruś na 10 hadoŭ.