Vierchniaje fota — 13 lutaha, nižniaje — 24 lutaha. Fota: BiełTA
Na kałažy źvierchu — pažyłyja ludzi, što pryjšli na akcyju, chutčej za ŭsio — z sajuza vieteranaŭ abo KPB. Hetym razam ich mieniej, čym na minułym pikiecie, ale jany stajać z absalutna identyčnym płakatam u tym ža miescy.
Pryjšli i beeresemaŭcy razam z pradstaŭnikami «Biełaj Rusi» — hetym razam ich mieniej i na pieršym płanie inšyja ludzi. Na hetym fota taksama sakratar haradzienskaha BRSM Uładzisłaŭ Mandzik, a adrazu za im — štatnaja aktyvistka BRSM Jana Mazavieckaja. Jany byli i na pikiecie 13 lutaha, i na papiarednich.
Fota: BiełTA, STB
Astatnija ŭ šerahu — taksama aktyvisty BRSM i prafkamaŭ univiersitetaŭ, tolki mienš miedyjnyja. Da prykładu, u centry kałony z čyrvona-zialonym ściaham staić aktyvist prafkama Hrodzienskaha dziaržaŭnaha ŭniviersiteta 20-hadovy Andrej Majstroŭ (na druhim fota jon u sinim spartovym kaściumie).
Fota: BiełTA, «UKantakcie»
Kala jaho stajaŭ i z usich sił «nie addavaŭ Biełaruś» jahony «tavaryš» pa niaščaści Anton Vaškievič.
Anton Vaškievič. Fota: SB i «UKantakcie»
A voś kiraŭnica haradzienskaj «Biełaj Rusi» Śviatłana Varanica z płakatam ź minułaha pikieta.
Minułaha razu aktyvisty «Biełaj Rusi» taksama prykryvali tvary. Fota: BiełTA
Zaśviaciłasia Iryna Hałajda, staršynia kamisii pa pracy z moładździu Savieta vieteranaŭ Kastryčnickaha rajona horada Hrodna. Jana časta chodzić na takija pikiety.
Iryna Hałajda siońnia i 12 kastryčnika 2022 hoda. Fota: BiełTA
Hetyja dźvie aktyvistki «Biełaj Rusi» na pieršym płanie taksama byli na minułym pikiecie.
Vierchniaje fota — 13 lutaha, nižniaje — 24 lutaha. Fota: SB i BiełTA
Ad hrodzienskaha Sajuza palakaŭ vystupaje adzin pažyły mužčyna — 67-hadovy Kazimir Znajdzinski, jaki ŭznačalvaje hrodzienski filijał praŭładnaj častki Sajuza palakaŭ z 2007 hoda.
Fota: BiełTA, «Sielskaja hazieta»
Znajdzinski — niekali viadomy futbalist i druhi ŭ historyi arbitr FIFA ź Biełarusi, jaki ciapier uznačalvaje Hrodzienskuju spartyŭnuju dziciača-junackuju škołu alimpijskaha reziervu №1. Jahonaja hałoŭnaja pretenzija — jamu budzie bolš składana jeździć na mohiłki da svajakoŭ.
Ahułam hetym razam pikiet atrymaŭsia mienšy pa kolkaści ŭdzielnikaŭ. Nieviadoma, kolki ŭ im paŭdzielničała sapraŭdnych palakaŭ, ale, kali mierkavać pa fota ź dziaržSMI, heta ličanyja ludzi.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Pryvieźli navat beerseemaŭca z Zelvy. Chto pikietavaŭ učora pad polskim hienkonsulstvam u Hrodnie
