Adam Davy/PA via AP
31-hadovy hulec zbornaj Hany źnik paśla ziemlatrusu, jaki vyklikaŭ abvalvańnie doma ŭ pravincyi Chataj, dzie jon žyŭ.
Jaho kłub «Chatajspor» pieršapačatkova paviedamiŭ, što futbalista vyratavali «z traŭmami», ale heta nie paćvierdziłasia.
«Ź ciažkim sercam ja vymušany abviaścić, što siońnia ranicaj, na žal, cieła Kryścijana Atsu było vyjaŭlena», — napisaŭ u «tvitary» ŭ subotu jaho ahient Nana Siečere.
«Maje samyja hłybokija spačuvańni jaho siamji i blizkim. Ja chacieŭ by skarystacca hetaj mahčymaściu, kab padziakavać usim za ich malitvy i padtrymku», — napisaŭ Siečere.
Atsu hulaŭ u składzie kłubaŭ «Čełsi» i «Ńjukasł» u anhlijskaj Premjer-lizie, a ŭ składzie zbornaj Hany futbalist pravioŭ 60 matčaŭ.
U vieraśni 2022 hoda Atsu dałučyŭsia da tureckaj kamandy vyšejšaha dyvizijona «Chatajspor» i zabiŭ pieramožny hoł u matčy tureckaj Supierlihi 5 lutaha, napiaredadni ziemlatrusu.
U vyniku ziemlatrusaŭ i padziemnych šturškoŭ na poŭdni Turcyi i poŭnačy Siryi zahinuła bolš za 40 tysiač čałaviek.
