Padčas dyspansieryzacyi, jakaja pa novych praviłach maje prachodzić u Biełarusi z 1 studzienia 2023 hoda, miedycynskija rabotniki buduć aceńvać stan pacyjenta z metaj vyjavić faktary ryzyki asnoŭnych nieinfiekcyjnych sacyjalna značnych zachvorvańniaŭ. U ich liku — chvaroby sistemy krovazvarotu, ankałohija, cukrovy dyjabiet druhoha typu i chraničnyja abstrukcyjnyja zachvorvańni lohkich. Pra heta na radyjo «Minsk» raskazała hałoŭnaja lekarka 11-j staličnaj palikliniki Iryna Bołdarava.
Pavodle słoŭ lekarki, pakolki pieravažajuć mienavita hetyja 4 hrupy zachvorvańniaŭ, na ich dyspansieryzacyja i robić akcent.
«Ich i treba vyjavić na rańnim etapie, pryniać miery pa papiaredžańni raźvićcia albo pačać raniej lačyć, kab zachvorvańnie nie pierajšło ŭ chraničnuju formu», — padkreśliła miedyk.
Pa słovach Iryny Bołdaravaj, dyspansieryzacyja pravodzicca ŭ kožnaj paliklinicy. U zaležnaści ad kolkaści nasielnictva, jakoje absłuhoŭvajecca, u Minsku adkrytyja ad 1 da 3 kabinietaŭ dyspansieryzacyi ŭ kožnaj paliklinicy. Śpiecyjalisty adnaho kabinieta ŭ dzień pavinny prymać bolš za 30 čałaviek.