Fota ilustracyjnaje
U śniežni 2005 hoda ŭ milicyju pastupiła paviedamleńnie ab zabojstvie 23-hadovaj žančyny. Jaje parezanaje cieła znajšli na padłozie.
Jak vyśvietliłasia, zahinułaja zajmałasia prodažam tkaniny dla mebli i pracavała doma. Žančyna vychoŭvała dvuchhadovuju dačku. Padčas śledstva byli dapytanyja susiedzi, svajaki i klijenty žančyny, praviedzienyja ekśpiertyzy, ale vyjści na śled złačyncy nie ŭdałosia.
U 2019 hodzie śledčyja inicyjavali paŭtornaje daśledavańnie kanfiskavanych ź miesca zdareńnia abjektaŭ. U vyniku ekśpierty vyjavili ŭ padpaznohcievym źmieścivie zahinułaj hienatyp 44-hadovaha žychara Pinskaha rajona.
Mužčynu zatrymali. Pieršapačatkova jon admaŭlaŭ svaju vinu, ale zatym pryznaŭsia i raspavioŭ pra abstaviny zabojstva. Pa jaho słovach, jon pryjšoŭ za tavaram da svajoj znajomaj. U ich uźnik kanflikt. Jon schapiŭ nož, jaki lažaŭ u kvatery, i nanios joj bolš za 10 udaraŭ. A kali zrazumieŭ, što žančyna miortvaja, to ŭciok. Pryładu zabojstva mužčyna vykinuŭ u śmiećcievy kantejnier niedaloka ad doma.
Za hety čas u mužčyny źjaviłasia siamja i dvoje dziaciej (10 i 14 hadoŭ).
Dziejańni žychara Pinskaha rajona kvalifikavanyja pa p. 6 č. 2 art. 139 (zabojstva, učynienaje z asablivaj žorstkaściu) Kryminalnaha kodeksa Biełarusi. Jon uziaty pad vartu.
