Dakumientam z redakcyjaj Reform.by padzialiŭsia čytač.
«Prašu siońnia, da 14:00, pradstavić infarmacyju ab hramadzianach, jakija pracujuć u vašaj arhanizacyi ŭ jakaści asnoŭnaha rabotnika, miescam naradžeńnia jakich źjaŭlajecca Ukraina, niezaležna ad daty pierajezdu ŭ Respubliku Biełaruś. Forma pradstaŭleńnia infarmacyi prykładajecca. Infarmacyju pradstaŭlać u elektronnym vyhladzie ŭ farmacie Word, na papiarovym nośbicie nie treba», — skazana ŭ zapycie Minharvykankama, jaki byŭ razasłany ŭ dziaržaŭnyja ŭstanovy.
Dla jakich metaŭ źbirajecca infarmacyja, u liście nie ŭdakładniajecca.
Raniej anałahičnuju infarmacyju źbirała kiraŭnictva Biełaruskaj čyhunki pra svaich supracoŭnikaŭ.
«Pa rasparadžeńni namieśnika načalnika Biełaruskaj čyhunki (pa arhanizacyi biaśpiečnaha zabieśpiačeńnia žyćciadziejnaści pradpryjemstvaŭ Biełaruskaj čyhunki) Kazłoŭskaha Ihara Anatoljeviča, byli padrychtavany śpisy rabotnikaŭ BČ, jakija naradzilisia va Ukrainie. Meta hetaha mierapryjemstva — nieviadomaja», — paviedamlaŭ telehram-kanał čyhunačnikaŭ u kastryčniku minułaha hoda.
Paźniej, pavodle infarmacyi @belzhd_live, rabotnikaŭ, jakija naradzilisia va Ukrainie, vyklikali ŭ abłasnyja ŭpraŭleńni KDB i raspytvali pra svajakoŭ va Ukrainie i pra staŭleńnie da vajny.
Pa infarmacyi «Našaj Nivy», dyskryminacyja pa nacyjanalnaj prykmiecie maje miesca ŭ roznych situacyjach. Tak, nam viadomy vypadak, kali ź siłavych struktur zvolnili čałavieka, žanataha z ukrainkaj.
