Pra heta na pres-kanfierencyi raskazaŭ pamočnik hiendyrektara «Haściničnaha chołdynha Kiraŭnictva spravami» Alaksiej Strelčanka, pieradaje BiełTA.
«Što datyčycca pieradśviatočnaha pieryjadu, to z zahruzkaj haścinic u nas usio dobra. Tak, «Prezident-hatel» i hatel «Minsk» na hetym tydni ŭ siarednim zapoŭnieny na 95 pracentaŭ. Heta vysoki pakazčyk. U navahodniuju noč u «Prezident-hateli» zahruzka dasiahnie 92 pracenty, a ŭ hateli «Minsk» — 85 pracentaŭ. Pry hetym restarany zahružany na 100 pracentaŭ. Takaja ž karcina i ŭ inšych haścinicach. Asnoŭnaja katehoryja klijentaŭ — hości z Rasii, pakolki ŭ ich śviatočnyja vychadnyja doŭžacca da 9 studzienia», — raskazaŭ Alaksiej Strelčanka.
Jon taksama adznačyŭ, što akramia rynku RF prasoŭvańnie Biełarusi ciapier aktyŭna idzie i na rynki trecich krain.
«Hetyja krainy chočuć pracavać ź Biełaruśsiu: im jość čym u nas zaniacca, i my im cikavyja. Ciapier idzie raźvićcio adnosin ź Indyjaj. Akramia taho, dumaju, varta čakać uzmacnieńnia dziełavoj aktyŭnaści z boku Kitaja. Heta abumoŭlena našym supracoŭnictvam pa zamiaščeńni roznych tavaraŭ va ŭmovach sankcyj, a heta, u svaju čarhu, stanoŭča paŭpłyvaje na śfieru haścinnaści», — padkreśliŭ Alaksiej Strelčanka.
