Telehram-kanału «Možiem objacniť» napisaŭ mužčyna, jaki pabyvaŭ na mierapryjemstvie za hrošy — u jakaści masoŭki.
«Masoŭcy płacili pa-roznamu, ad 1,5-2,5 tysiač rasijskich rubloŭ ($22-36), dakładnuju kolkaść skazać nie mahu, ale kala 50 čałaviek. Arhanizavana pryvieźli na aŭtobusach. Siarod masoŭki bolšaść nie mieła ŭjaŭleńnia pra asobu hieroja», — raspavioŭ surazmoŭca kanała. Jon dadaŭ, što pieršapačatkova płanavałasia sabrać kala 400 čałaviek, ale čamuści płan vykanać nie ŭdałosia.
Zahinuły 31-hadovy Dźmitryj Mienšykaŭ byŭ rekrutavany Pryhožynym u adnoj z kałonij Razanskaj vobłaści, dzie adbyvaŭ pakarańnie za zbyt narkotykaŭ. Jon zahinuŭ va Ukrainie ŭ listapadzie. Jon byŭ siratoj.
Pryhožyn asabista pryjazdžaŭ na mohiłki, dzie parazmaŭlaŭ z žurnalistami, i źjechaŭ, nie dačakaŭšysia samoha pachavańnia. Jon publična patrabavaŭ pachavać Mienšykava na alei hierojaŭ, ale ŭłady Pieciarburha jamu admovili, spasłaŭšysia na toje, što takoj alei nie isnuje (jana źjaviłasia paźniej). «Kuchar Pucina» skarystaŭsia hetaj admovaj, kab abvinavacić administracyju horada i asabista hubiernatara Biahłova ŭ stvareńni «antyrasijskaj i antypatryjatyčnaj kaalicyi».
