Pa stanie na 14 hadzin 19 śniežnia, u čerhach na vyjezd ź Biełarusi staić bolš za 5340 hruzavikoŭ. Miesiac tamu ich było kala 3800.
Najbolš napružanaj situacyja zastajecca ŭ punkcie propusku «Kamienny Łoh», tam ź biełaruskaha boku sabrałasia bolš za 1100 hruzovikoŭ. Na druhim miescy pa zahružanaści «Bieniakoni», dzie bolš za 880 hruzavych aŭto.
Fota: skrynšot z sajta gpk.gov.by
Bolš za 700 hruzavikoŭ čakaje vyjezdu ŭ Polšču praz punkt propusku «Bierastavica».
Vialikija čerhi z fur nazirajucca navat na łatvijskim kirunku, dzie situacyja tradycyjna była mienš napružanaj u paraŭnańni ź pierachodami na miažy Polščy i Litvy.
U punkcie propusku «Urbany» sabrałasia bolš za 550 fur. U «Hryharoŭščynie» vyjezdu ź Biełarusi čakajuć bolš za 260 hruzavikoŭ.
Kab patrapić ź Biełarusi ŭ ES, dalnabojščyki vymušany pravodzić u čerahach pa 10-15 dzion. Navat uładalniki daražeznych prapuskoŭ, jakija dajuć prava na pazačarhovy ŭjezd na terytoryju punkta propusku, vymušany stajać u čarzie pa 2-4 sutak.
Čytajcie taksama:
«Ciapier płatnaja čarha nie mienšaja za zvyčajnuju». Pieravozčyki raspaviali, jak płaciać tysiačy jeŭra za propuski i sutkami stajać na miažy
