Pa apošnich źviestkach Biełstata (za kastryčnik), siaredniaja zarpłata na ruki pa biahučym kursie Nacbanka składaje 562$.
Pa vynikach 2012 hoda, siaredniaja naminalnaja naličanaja zarpłata składała 3,68 miljona niedenaminavanych rubloŭ. U pieravodzie na dalary pry siaredniehadavym kursie 8 400 rubloŭ za dalar atrymlivałasia, što siaredniestatystyčny biełarus dziesiać hadoŭ tamu mieŭ na miesiac pa 375$ na ruki.
Voś 5 śfier, dzie zarablali najbolš.
Finansavaja dziejnaść
Samyja vialikija zarpłaty tady byli ŭ finansavym siektary. U siarednim pa krainie supracoŭniki finansavaj haliny atrymlivali čystymi na ruki 625 dalaraŭ. Pry hetym u Minsku hety pakazčyk składaŭ 780$. Najmienšyja zarobki ŭ finansavaj halinie byli ŭ Viciebskaj vobłaści — 500 dalaraŭ na ruki.
Budaŭnictva
Na druhim miescy pa ŭzroŭni zarobkaŭ znachodziłasia budaŭničaja industryja. Tam siaredniaja naličanaja zarpłata ŭ 2012 hodzie składała zapavietnyja 500 dalaraŭ, na ruki atrymlivałasia kala 430$. U Minsku siaredniestatystyčny pracaŭnik u budaŭničaj halinie atrymlivaŭ čystymi kala 516 dalaraŭ. Najmienš za ŭsio ŭ budaŭnictvie zarablali ŭ Mahiloŭskaj i Viciebskaj abłaściach, pa 370 i 365 dalaraŭ adpaviedna.
Pramysłovaść
Zamykali trojku lidaraŭ pa zarpłatach tyja, chto pracavaŭ u pramysłovaści. Tam 10 hadoŭ tamu siaredni zarobak pa krainie składaŭ kala 415 dalaraŭ paśla vypłaty padatkaŭ. Najbolšyja zarobki ŭ pramysłovym siektary naziralisia ŭ hornazdabyvajučaj halinie ŭ Minskaj vobłaści. Tam u siarednim zarablali pa 500 dalaraŭ na ruki.
Dziaržkiravańnie
Krychu mienš zarablali ŭ sistemie dziaržkiravańnia. Siaredni zarobak za 2012 hod tam byŭ 410 dalaraŭ paśla vypłaty padatkaŭ. Staličnyja kiraŭniki mieli ŭ siarednim 480 dalaraŭ na ruki.
Transpart i suviaź
U piaciorku lidaraŭ uvachodzili taksama rabotniki transpartu i suviazi. U siarednim pa krainie im płacili na ruki 401 dalar u miesiac.
Chto zarablaŭ mienš za ŭsich
Najmienšyja zarobki ŭ 2012 hodzie byli ŭ adukacyi. U siarednim pa krainie tam atrymlivali na ruki pa 331 dalaru ŭ miesiac. U stalicy — kala 340$. Mienš za ŭsio ŭ sistemie adukacyi płacili ŭ Bresckaj vobłaści — usiaho 262 dalary.
Jak źmianilisia zarobki za 10 hadoŭ
Top-5 halin pa zarobkach pa źviestkach Biełstata za kastryčnik 2022 hoda vyhladaje nastupnym čynam:
1. Infarmacyja i suviaź — 1530$
2. Finansavaja i strachavaja dziejnaść — 864$
3. Pramysłovaść — 621$
4. Budaŭnictva — 610$
5. Transpart — 567$.
Jak i dziesiać hadoŭ tamu, najmienšyja zarpłaty zastajucca ŭ adukacyi. Tam siaredni zarobak na ruki skłaŭ 380 dalaraŭ, što pryblizna na 40 dalaraŭ bolš, čym dziesiać hadoŭ tamu.