Pa jaho słovach, tempy realizacyi i kolkaść prajektaŭ buduć zaležać ad ŭzajemadziejańnia z patencyjalnymi pazyčalnikami. 2022 hod byŭ niaprostym i źviazany z pavyšeńniem stavak na hłabalnych finansavych rynkach. «My bačyli niejkaje tarmažeńnie prajektnaj dziejnaści ŭ pieršym paŭhodździ i źviazanaje z hetym niejkaje zapavoleńnie finansavańnia na ŭsioj prastory. U druhim paŭhodździ my našy tempy niekalki naraścili. Dalej pahladzim, jak budzie składvacca kanjunktura. I ŭ zaležnaści ad hetaha ažyćciaŭlać finansavańnie prajektaŭ».
Bank pracuje ŭ pieršuju čarhu z pazyčalnikami z pryvatnaha siektara Biełarusi.
«Biełaruś tradycyjna mocnaja svajoj pramysłovaściu, svaim ličbavym paradkam, i tamu prajekty ŭ halinie pramysłovaj kaapieracyi dla nas źjaŭlajucca najbolš pryjarytetnymi. Intaresy Biełarusi tradycyjna prysutničajuć i ŭ Rasii, i ŭ Kazachstanie, i ŭ Kyrhyzstanie. My bačym šerah takich prajektaŭ. Adzin z bujnych prajektaŭ, jaki my płanujem pačać realizoŭvać u nastupnym hodzie, — heta budaŭnictva Śvietłahorskaha CKK. Abjom finansavańnia tut kala 180 młn dalaraŭ», — skazaŭ jon.
