U adnoj z najmałodšych katalickich supolnaściaŭ stalicy zasłužany ijerarch celebravaŭ dźvie śviatyja imšy: pieršuju — z nahody parafijalnaha adpustu ŭ honar śviatoha apostała Andreja i 5-j hadaviny paśviačeńnia parafijalnaj kaplicy, a druhuju — dla dziaciej.
Padčas imšy z udziełam dziaciej zasłužany ijerarch pravioŭ hamiliju ŭ formie dyjałohu z maleńkimi viernikami.
Razmova ź imi datyčyłasia advientu jak času duchoŭnaj padrychtoŭki da Božaha Naradžeńnia. U dyjałohu arcybiskup raspavioŭ dzieciam niekalki śmiešnych i adnačasova pavučalnych duchoŭnych historyj, što im vielmi spadabałasia.
Paśla imšy adbyłasia sustreča arcybiskupa Tadevuša Kandrusieviča ź dziećmi.
Ijerarch u vobrazie śviatoha Mikałaja pavinšavaŭ najmałodšych parafijanaŭ, pažadaŭ im uzrastać u łascy ŭ Boha i ludziej, dobra padrychtavacca da śviataŭ Božaha Naradžeńnia i razdaŭ im padarunki.
Dzieci ŭ adkaz čytali vieršy pra śviatoha Mikałaja.
