Fota: AP
Biełarusi pakul udajecca strymlivać vierahodnaha praciŭnika ad prymianieńnia vajennaj siły suprać respubliki, zajaviŭ Alaksandr Łukašenka na naradzie pa pytańniach abarony, pieradaje BiełTA.
Usie siłavyja viedamstvy Biełarusi adznačajuć rost kolkaści pravakacyj pablizu jaje miežaŭ, a zachodnija krainy praciahvajuć naroščvać patencyjał svaich uzbrojenych sił i madernizavać infrastrukturu na terytoryi susiednich krain, skazaŭ Łukašenka, adkryvajučy naradu.
«Pakul nam udajecca strymlivać vierahodnaha praciŭnika ad prymianieńnia vajennaj siły suprać Biełarusi. Ale tym nie mienš my pavinny pastajanna adsočvać, bačyć i ni ŭ jakim vypadku nie prapuścić prykmiety, jakija pakazvajuć na niepasrednuju padrychtoŭku da ahresii suprać našaj krainy», — skazaŭ Łukašenka.
Pa jaho słovach, treba adsočvać, što adbyvajecca pa pierymietry miežaŭ krainy, i acanić efiektyŭnaść užo pryniatych mier.
