Emaniuel Makron. Fota: Alex Brandon / AP
«Baraćba ź biespakaranaściu złačynstvaŭ, učynienych va Ukrainie padčas rasijskaj ahresii, źjaŭlajecca pryjarytetam dla Francyi. My mabilizavali siły ŭ padtrymku jak ukrainskaha pravasudździa, tak i Mižnarodnaha kryminalnaha suda, jaki nadzieleny kampietencyjaj pravodzić biesstaronnija i niezaležnyja rasśledavańni, kab vinavatyja ŭ hetych złačynstvach byli pryciahnutyja da adkaznaści», — havorycca ŭ paviedamleńni.
30 listapada kiraŭnik Jeŭrakamisii Ursuła fon der Lajen prapanavała stvaryć pad ehidaj AAN śpiectrybunał dla rasśledavańnia dziejańniaŭ Rasii va Ukrainie. Pa słovach fon der Lajen, Jeŭrasajuz hatovy pracavać ź mižnarodnaj supolnaściu, kab zaručycca padtrymkaj z boku roznych dziaržaŭ.
Nienazvanyja čynoŭniki Jeŭrasajuza ŭ razmovie sa The Washington Post vykazali mierkavańnie, što pravieści prapanovu ab stvareńni śpiectrybunała praz Radu Biaśpieki AAN budzie niemahčyma (Rasija maje tam prava vieta), ale heta možna budzie zrabić praz Hienieralnuju asambleju AAN.
