Ab namierach kančatkova syści ź Biełarusi i Rasii jašče ŭ kastryčniku (vierahodna, u suviazi z abviaščeńniem u Rasii mabilizacyi) zajavili zasnavalniki Playrix Ihar i Dźmitryj Buchmany.
Biełaruskaja «Płejryks Bi Uaj» źmianiła nazvu na «Bryh Studyjo». Statutny fond novaj kampanii na biahučy momant składaje 3,4 miljona rubloŭ abo kala 1,4 miljona dalaraŭ.
Uładzimir Akimaŭ źjaŭlajecca adzinym ułaśnikam kampanii, jamu naležyć 100% doli. U LinkedIn vyvučyli profili ludziej z takim ža imiem i proźviščam. Havorka moža iści pra CEO i zasnavalnika inšaj minskaj studyi (rezidenta PVT), jakaja stvaraje Full CG roliki, a taksama zajmajecca raspracoŭkaj mabilnych hulniaŭ na Unity. Adnak pradstaŭniki kampanij nie adkazali na zapyt ab kamientary.
Playrix zarehistravała kampaniju ŭ Biełarusi ŭ śniežni 2018 hoda. U 2019 hodzie kampanija ŭstupiła ŭ PVT i inviestavała ŭ kapitał biełaruskaj studyi Vizor Games. U minskim ofisie ŭ pačatku 2022 hoda pracavali kala 100 čałaviek.
Viasnoj-letam u minskim ofisie Playrix prajšli zvalnieńni. Kampanija zajaviła, što heta zvyčajnyja pracoŭnyja pracesy, havorka pra zakryćcio ofisa nie idzie. Ale ŭžo vosieńniu zasnavalniki zajavili, što Playrix sychodzić ź Biełarusi i Rasii. Kampanija zakryje ŭsie svaje ofisy, a taksama spynić apieracyjnuju dziejnaść u hetych krainach.
Playrich zasnavana ŭ 2004 u rasijskaj Vołahdzie. Hałaŭny ofis raźmieščany ŭ Dublinie. U studzieni 2019 hoda 100% Playrix pierajšli da kiprskaj «Rymjut Chołdynhs Limited». U vieraśni 2020 hoda kampanija aceńvałasia ŭ $7,8 młrd.
U Playrix kala 4000 supracoŭnikaŭ. Štodzionnaja aŭdytoryja prajektaŭ — bolš za 30 miljonaŭ čałaviek. Hadavaja vyručka — $2,7 młrd. Playrix uvachodzić u top-5 najbujniejšych pablišaraŭ u śviecie.
