Fota: Vikipiedyja
Tyktokier Dania Miłochin, jaki miesiac tamu zjechaŭ u ZŠA, praśpiavaŭ himn Ukrainy padčas strymu z ukrainskim błohieram Arturam Babičam, piša «Mieduza». Spačatku Miłochin pačaŭ vykonvać himn Rasii, heta vyklikała niezadavolenaść Babiča. «A što nie tak, ja śpiavaŭ himn svajoj krainy», — skazaŭ jamu Miłochin, paśla čaho pahadziŭsia razam praśpiavać himn Ukrainy.
Uvahu da strymu pryciahnuła prapahandystka Volha Skabiejeva. «Budziem ličyć, što spaliŭ masty», — zajaviła jana, vykazaŭšy nadzieju, što tyktokier «bolš nie stanie ŭ Rasii tvaram chacia b Śbierbanka». Paśla hetaha Miłochina pačali aktyŭna krytykavać, jaho nazyvali «zdradnikam» i prapanoŭvali bolš «nie puskać u Rasiju». Mnohija prapahandysckija ŚMI pryśviacili Miłochinu krytyčnyja materyjały.
Miłochina publična asudziła trenier pa fihurnym katańni Taćciana Tarasava, jakaja razam pracavała ź im na šou «Lednikovy pieryjad». «Ludzi, jakija śpiavajuć himn Ukrainy, pavinny žyć va Ukrainie!» — zajaviła jana.
Deputat Dziarždumy Alaksandr Chinštejn zajaviŭ, što jamu škada, što Miłochin «tak haniebna rasparadžajecca svaim losam».
Sienatar ad Kryma Siarhiej Cekaŭ vykazaŭ zdahadku, što Miłochin moža być «naščadkam zdradnika», i zaklikaŭ pazbavić jaho ŭsich rekłamnych kantraktaŭ.
Akcior i televiadučy Askar Kučera nazvaŭ Miłochina «poskudździu».
Aktyvist Vital Baradzin, viadomy svaimi danosami na niezaležnyja ŚMI, paprasiŭ Hienprakuraturu abjavić Miłochina «zamiežnym ahientam» i pazbavić jaho rasijskaha hramadzianstva.
Miłochin u adkaz na abvinavačvańni ŭ jahony adras vykazaŭ ździŭleńnie, nahadaŭšy, što rasijski himn jon taksama śpiavaŭ: «U mianie pytańnie, voś ludzi vyrazali, jak ja śpiavaju himn Ukrainy. Čamu ludzi nie vyrazali, jak ja śpiavaŭ himn Rasii da hetaha».
Rekłamnaje ahienctva WildJam, ź jakim supracoŭničaje Dania Miłochin, zajaviła «Mieduzie», što «ničoha nie kamientuje».
Miłochin zjechaŭ z Rasii ŭ kancy kastryčnika, niečakana abviaściŭšy, što spyniaje svoj udzieł u šou «Lednikovy pieryjad». Pryčynu adjezdu jon nie nazyvaŭ. Pry hetym tyktokier padkreślivaŭ, što pra emihracyju ŭ jahonym vypadku havorka nie idzie.
Naŭprost Miłochin nie vykazvaŭ svajho staŭleńnia da vajny va Ukrainie. Praz dva dni paśla pačatku rasijskaha ŭvarvańnia jon zaklikaŭ svaich prychilnikaŭ «nie šukać vinavatych» i «nie patrabavać prymalnych reakcyj».
«Ciapier niama tych, chto vyjhraŭ i prajhraŭ. My ŭsie paciarpiełyja. Usie! I kožny spraŭlajecca z šokam pa-svojmu — niechta dziejničaje, niechta zamior, niechta płača, niechta niasie achinieju, niechta supakojvaje i abdymaje. Pačnicie ź siabie! Pahladzicie — vy zaraz vyjšli na ściežku vajny abo na ściežku miru», — napisaŭ tyktokier.
U studzieni 2022 hoda, za paŭtara miesiaca da pačatku vajny, Miłochina nie puścili va Ukrainu. «Ja vorah», — prakamientavaŭ jon takoje rašeńnie.
Daniła Miłochin naradziŭsia ŭ Arenburhu. Dziacinstva ŭ chłopčyka było niaprostym: baćka pakutavaŭ na ałkahalizm, jany z maci raźvialisia, u try hady Daniła razam sa svaim starejšym bratam apynuŭsia ŭ dziciačym domie. Dziakujučy papularnaści ŭ tyktoku Miłochin staŭ zorkaj.
